كشفت الفنانة حورية فرغلي، تفاصيل مكالمة محمد رمضان، لها بعد تصريحاتها الأخيرة بأنها من صنعت اسمه في السينما؛ بسبب مشاركتها معه في بداية مشواره الفني من خلال فيلم عبده موتة.
وقالت حورية فرغلي، في تصريحات تلفزيونية، إن محمد رمضان تواصل معها بعد حالة الجدل المثارة على السوشيال ميديا، معلقة: محمد رمضان كلمني وقالي أنتِ زعلانة مني، قولتله لا ياحبيبي هزعل منك ليه أنا مشوفتكش من فيلم قلب الأسد، قالي أصل بيقولوا إنك زعلانه مني، قولتله أنا برد عليك أهو مش زعلانة منك لو زعلانة هقولك.
وتابعت حورية فرغلي: أنا مقولتش إني عملت محمد رمضان، مين أنا علشان أعمل محمد رمضان ربنا اللي عمله، هو اللي حبب الشعب المصري فيه، أنا كنت سبب من أسباب أن فيلم عبد موته نجح.
واستكملت حورية فرغلي: محمد نجح وعمل نفسه، وأنا عارفة رحلة كفاحة من أول دوران شبرا لحد دلوقتي، وهو بيقول ايه بيعمل ايه تصرفاته إيه أنا مليش دعوة خالص.
ووجهت حورية فرغلي، خلال لقائها رسالة لـ محمد رمضان، قائلة: خف شوية تصرفاتك حاول تفكر فيها، لأنك اللي في قلبك على لسانك، مشيرة إلى أنها تتمنى العمل معه مرة آخرى، في حالة أن يكون العمل إضافة لها في مسيرتها الفنية.