تعرف على توقعات شهر ابريل-نيسان 2023 مع خبير الطاقة والابراج مانو

الحمل♈

هالشهر عم تستفاد مادياً متل ما أنت بدك ومخطط كمان تحسن وتطور كبير بشغلك ببلش من تاني أسبوع معارفك عم تكتر ولازم تعرف كيف تستفاد منن كمان وممكن تنقل لبيت جديد عاطفياً المشاكل القديمة عم تتصلح وعم تطور علاقتك مع الشخص يلي أنت بتحبو صحياً وزنك ممكن يزيد بسرعة خصوصاً من نص الشهر وعم تطمن عن حدا

الثور♉

من البداية عم تنشغل بالسفر وسفراتك كتير طويلة وفي منها أستفادة مادية كتير كبيرة شهرتك عم تزيد واتصالاتك ومواعيدك عم تكتر مشكلة صغيرة بتصير بينك وبين حدا من رفقاتك بس حلها صغير كتير والبعض منكن عم يغير سيارتو صحياً تحليل صغيرة عم تعملا وبتطمن عن صحتك عاطفياً ما تستعجل كتير بقرارتك خليك عل هدا امشي بهدا حلو وما متلك حدا

الجوزاء♊

يلي عم يفرحك من أول الشهر هو تحسن نفسيتك يلي رح يجي بعدا أخبار حلوة بتخص أهلك وشغلك كمان وأمورك المادية بتبلش من 10 الشهر تروح للأحسن بس ما تتسرع بقرارات شغلك ولازم تعرف كيف تختار العالم يلي حواليك وعم تستقبل حدا غالي عليك من السفر عاطفياً مشاكل صغيرة بتصير معك من ورا مزاجك الصعب ولازم ما تكبر صحياً بدك تدير بالك على صدرك وكتافك شوي

السرطان♋

نجاحات كتير كبيرة عم تبلش معك من أول الشهر بالدراسة والشغل العزايم والأتصالات المهمة عم ياخدو منك كل وقتك هالشهر وأكيد في بعد هالتعب نتائج حلوة لهيك نفسيتك رح تكون مرتاحا عاطفياً كل المشاكل الصغيرة رح تنحل وبدك تفتح صفحة جديدة وتبلش بكلشي عن جديد لتريح راسك صحياً بدك تشكي شوي من وجع بمعدتك بس الوصع كتير طبيعي

الأسد♌

ضغط شغلك عم يكون لفوق راسك وعم تتعرف على عالم كتير مهمة واسماءن معروفة بتفيدك لتطور من حالك ومن شغلك أكتر وأنت هاد يلي بدك يا وعم تنشغل بدراستك أكتر من بعد 15 الشهر وكمان بدك تنشغل مع أهلك شوي بس بالفرح تطمن عاطفياً كتار منكن عم يفوتو بعلاقة عاطفية جديدة أو عم ينعجبو بحدا صحياً عم تسمن شوي لهيك بترجع للنادي

العذراء♍️

علاقاتك مع رفقاتك ومع العالم يلي حواليك بالشغل عم تطور جو جديد عليك عم تكون في بس رح تتعود عليه بسرعة وكتير رح تستفاد منو كمان في دين قديم رح يرجعلك والمبلغ يلي كنت موعود في رح يوصلك هالشهر عاطفياً إذا بدك أمورك تتحسن بدك تخفف نق وما تخبر حدا عن التفاصيل صحياً بتشكي من حساسية بس مو كتير رح تطول

الميزان♎️

كتير عم تكون شخص أجتماعي هالفترة وهالشي رح يفيدك فوق ما بتتصور مع أنو ما كنت تفكر بهاد الموضوع كتير قبل بس هلا رح تستفاد من هاد الشي حتى مادياً وعم تتصالح مع حدا من رفقاتك وعم تفرح لتخرج حدا من رفقاتك أو أخواتك

العقرب♏

العالم حواليك عم تكتر وكلن محبين واهتمامن ألك عم يزيد كمان وأنت هالشي رح يفرح قلبك من جوا بعد الظروف الصعبة يلي كنت عم تمر فيها وأكيد هاد من غير الأستفادة المادية والأخبار الحلوة يلي رح تبلش توصلك من تاني أسبوع ويفضل أنو ما تخبر حدا عن تفاصيل شغلك الجاية كمان عاطفياً في مين رح يهتم فيك وأنت رح تفكر بالموضوع بجدية أكتر كمان صحياً بتشكي من وجع راسك بسبب ضغط الشغل

القوس♐️

توقيع عقد شغل جديد عم يكون أول الأخبار الحلوة عندك هالشهر ومن بعدا طبيعي أنو نفسيتك كتير رح ترتاح كمان وأمورك المادية عم تكون جيدة بس ما تصرف كتير لازم تخفف يا كبير عاطفياً في مين يغير كل فكرتك للأحسن عن هاد الموضوع وعم تفوت بعلاقة عاطفية جديدة صحياً بدك تنشغل بسنانك شوي

الجدي♑

كتير من اطابعك عم تتغير هالشهر للأحسن لدرجة حتى ممكن أنت تستغرب من حالك شوي والتحسن هاد كتير رح يساعدك لتطور علاقتك مع العالم يلي بتهمك بشغلك وعم تستقبل حدا كتير غالي عليك من السفر عاطفياً كلشي رح يكون تمام لهيك مافي داعي لعنادك صحياً نومك رح يكون خفيف هالشهر من كتر التفكير

الدلو♒

بتنشغل بعلاقاتك وسفراتك كتير أنت ومبسوط وعم تضحك حتى وهالشهر كل تعب رح تتعبو رح تكون نتيجتو متل ما أنت بدك خصوصاً مادياً وممكن تنقل على بيت جديد أقرب لشغلك حتى عاطفياً كتار منكن عم يجهزو للفرحا الكبيرة صحياً ادويتك يلي كنت تاخدا كلا رح تتخفف

الحوت♓

مشروع الشغل يلي كنت عم تفكر في صرلك فترة هالشهر رح تبلش في خطوة خطوة لهيك مارح يكون عندك وقت حتى تحك راسك وشهرتك عم تزيد واسمك رح ينحكا كتير بالأماكن العامة حتى عاطفياً اعجابك كتير عم يزيد بالشخص يلي أنت حاطو براسك وصحياً ممكن يكون في عندك عملية تجميلية