Top

بالفيديو – ريتا نصور ترد على الانتقادات بعد اساءتها للجنسية اللبنانية

بالفيديو – ريتا نصور ترد على الانتقادات بعد اساءتها للجنسية اللبنانية

اتهم لبنانيون مذيعة قناة “أو تي في” ريتا نصّور بالإساءة إلى الجنسية اللبنانية، من خلال حديثها التي بررت به إعطاء جنسية لسوريين غالبيتهم مقربين من نظام بشار الأسد، واثارت بذلك جدلا واسعا عبر مواقع التواصل الاجتماعي.

 

وقالت ريتا نصّور: “ما بدنا نكون عم نقلل الأهمية، بس الي بيسمعهم عاملين هيدي الضجة وقايمة القيامة على 200 شخص بيقول عطيناهم ما بعرف جنسية أي بلد، ماشي الحال آخر شي الجنسية اللبنانية اديش هي ثمينة بس كلنا منعرف اديش محدودة فما عم نحكي عن جنسية يا لطيف”.

 

واتهم إعلاميون ومغردون لبنانيون، قناة “أو تي في” بمحاولة تبرير منح جنسية لبنان إلى غير مستحقيها، بحسب رأيهم.

 

بدورها، ردت ريتا نصّور على الهجمة الكبيرة ضدها، بالقول إن حديثها تم اجتزاؤه، وأنها لم تقصد الإساءة إلى الجنسية اللبنانية.

 

وقالت في منشور عبر حسابها على “فيسبوك”، إن قصدها من التطرق إلى القضية هو “القول إن ثمة تضخيم وتكبير مدروس وممنهج لهذا الملف، لأهداف سياسية”.

 

وتابعت: “حديثي عن محدودية الجنسية اللبنانية أجا ردا على الحكي عن شراء هالجنسية ودفع أموال كرمالا …يعني بلا ما نتخبا بخيال إصبعنا ايه جنسيتنا غالية علينا بس أكيد ما بتعطي (أصحاب المليارات) امتيازات متل جنسيات تانية، وأكيد لو بدن (يشترو) جنسية كانو بيدفعو حق حيالله جنسية أوروبية … مش استخفاف بالجنسية اللبنانية بس هيدا الواقع”.
وختمت نصّور حديثها قائلة: “بس تبطلو ساكتين وعم تدافعو عن وجود مليونين سوري على أرضنا وبس تبطلو ماشيين ورا أحزاب تاريخها عمالة وتهجير وتجنيس جماعي وتآمر عالبلد وبس تبطلو صبح وضهر وعشية قاعدين عالسوشيل ميديا عم تسبو بلدكم، ساعتا بس، فيكن تعطو مواعظ بالانتماء والهوية والوطنية”.

 

لكل اللي عم يتناقلو فيديو حديثي عن الجنسية وعاملين حملات من وراه: – اولا هيدا جزء زغير من حديث اطول وبالتالي اخراجو من سياقو ما بيهدف الا للاستغلال الرخيص – تانيا اكيد مش المقصود الاستخفاف بالجنسية اللبنانية انما المقصود القول انو في تضخيم وتكبير مدروس وممنهج لهالملف لاهداف سياسية…وهالفكرة موضحتا بحديثي الكامل اللي انقطش وانترك منو بس هالجزء ما بعرف ليش – ثالثا حديثي عن محدودية الجنسية اللبنانية اجا ردا على الحكي عن شراء هالجنسية ودفع اموال كرمالا …يعني بلا ما نتخبا بخيال اصبعنا ايه جنسيتنا غالية علينا بس اكيد ما بتعطي "اصحاب المليارات "امتيازات متل جنسيات تانية واكيد لو بدن "يشترو" جنسية كانو بيدفعو حق حيالله جنسية اوروبية … مش استخفاف بالجنسية اللبنانية بس هيدا الواقع حكيي هيدا موجه لاصحاب النوايا المنيحة اللي راحو بالهمروجة…اما لاصحاب النوايا والخلفيات السيئة والخبيثة: – اولا انا اللي مسؤولة عن كل كلمة قلتها ، فبلا ما تحملو القصص اكتر ما بتتحمل وخففو حرتقة لا بتقدم ولا بتأخر – تانيا والاهم بس تبطلو ساكتين وعم تدافعو عن وجود مليونين سوري على ارضنا وبس تبطلو ماشيين ورا احزاب تاريخها عمالة وتهجير وتجنيس جماعي وتآمر عالبلد وبس تبطلو صبح وضهر وعشية قاعدين عالسوشيل ميديا عم تسبو بلدكم ، ساعتا بس ، فيكن تعطو مواعظ بالانتماء والهوية والوطنية …ومن هلق لوقتها #لاقو_شي_جديد_تتسلو_فيه

Posted by Rita Nassour Angelini on Saturday, June 2, 2018

ودافع مغردون عن نصور، متهمين الطرف الآخر بالتحامل عليها، وبأنهم “لا يستحقون الجنسية اللبنانية، ويستغلونها لإثارة البلبلة”.

 

 

يشار إلى أن مرسوما رئاسيا قضى بمنح الجنسية لنحو 300 شخص، بينهم عائلات مقربة من نظام الأسد.

Comments

comments