اتهم لبنانيون مذيعة قناة “أو تي في” ريتا نصّور بالإساءة إلى الجنسية اللبنانية، من خلال حديثها التي بررت به إعطاء جنسية لسوريين غالبيتهم مقربين من نظام بشار الأسد، واثارت بذلك جدلا واسعا عبر مواقع التواصل الاجتماعي.
سيداتي سادتي، رأي الـ OTV بالتجنيس 🙂 pic.twitter.com/vG1Hj5jEQn
— Mhّmd (@dankar) June 2, 2018
وقالت ريتا نصّور: “ما بدنا نكون عم نقلل الأهمية، بس الي بيسمعهم عاملين هيدي الضجة وقايمة القيامة على 200 شخص بيقول عطيناهم ما بعرف جنسية أي بلد، ماشي الحال آخر شي الجنسية اللبنانية اديش هي ثمينة بس كلنا منعرف اديش محدودة فما عم نحكي عن جنسية يا لطيف”.
واتهم إعلاميون ومغردون لبنانيون، قناة “أو تي في” بمحاولة تبرير منح جنسية لبنان إلى غير مستحقيها، بحسب رأيهم.
بدورها، ردت ريتا نصّور على الهجمة الكبيرة ضدها، بالقول إن حديثها تم اجتزاؤه، وأنها لم تقصد الإساءة إلى الجنسية اللبنانية.
وقالت في منشور عبر حسابها على “فيسبوك”، إن قصدها من التطرق إلى القضية هو “القول إن ثمة تضخيم وتكبير مدروس وممنهج لهذا الملف، لأهداف سياسية”.
وتابعت: “حديثي عن محدودية الجنسية اللبنانية أجا ردا على الحكي عن شراء هالجنسية ودفع أموال كرمالا …يعني بلا ما نتخبا بخيال إصبعنا ايه جنسيتنا غالية علينا بس أكيد ما بتعطي (أصحاب المليارات) امتيازات متل جنسيات تانية، وأكيد لو بدن (يشترو) جنسية كانو بيدفعو حق حيالله جنسية أوروبية … مش استخفاف بالجنسية اللبنانية بس هيدا الواقع”.
وختمت نصّور حديثها قائلة: “بس تبطلو ساكتين وعم تدافعو عن وجود مليونين سوري على أرضنا وبس تبطلو ماشيين ورا أحزاب تاريخها عمالة وتهجير وتجنيس جماعي وتآمر عالبلد وبس تبطلو صبح وضهر وعشية قاعدين عالسوشيل ميديا عم تسبو بلدكم، ساعتا بس، فيكن تعطو مواعظ بالانتماء والهوية والوطنية”.
ودافع مغردون عن نصور، متهمين الطرف الآخر بالتحامل عليها، وبأنهم “لا يستحقون الجنسية اللبنانية، ويستغلونها لإثارة البلبلة”.
تخبط ما بعده تخبط … https://t.co/0hyjfoXgsd
— Hicham haddad (@HichamHaddad57) June 2, 2018
هيدا التلفزيون الناطق باسم العهد…😦
#الجنسية_اللبنانية_شرف_لي #الجنسية_اللبنانية https://t.co/9iBuQHJkEV— Nadine Kfoury (@NadineKfoury) June 2, 2018
هيدا يا صديقي لما تكون بدك تبرر شي منك مقتنع فيه وجايي بطلب من سلطة عليا، او بدك تساير وتبيض مع اصحاب القرار وبالحالتين #هزلت
— Bassel Aridi (@basselaridi) June 2, 2018
لا لا لا … هاي ما لازم تتفوت : مذيعة ال او تي في عشوي حتقول: اللي بيسمع اللي عّم ينتقدو بفكر انو أعطيناهم شي جنسية عليها القدر و القيمة مش الجنسية اللبنانية 😂😂😂😂😂 https://t.co/ye2yGJLRUX
— Dima ديما صادق (@DimaSadek) June 2, 2018
أصلا هي ليش بدها تبرر؟ أولا مش وظيفتها، وبعدين اذا ما عندها معلومة ليش بدها تحكي.. هيدا نموذج "الولاء الاعمى"؟
— Nazeer Rida (@Nazeerida) June 2, 2018
يشار إلى أن مرسوما رئاسيا قضى بمنح الجنسية لنحو 300 شخص، بينهم عائلات مقربة من نظام الأسد.