نشر الفنان محمد رمضان، فيديو عبر صفحته الرسمية على موقع التواصل الاجتماعي “فيس بوك”، يرد فيه على بيان MBC، ووصف رمضان البيان بالكاذب. وحصد خلال ساعات قليلة الفيديو ما يناهز النصف مليون مشاهدة، وقد بدا رمضان متعباً بعد حالة التسمم التي اصيب بها.
وقال رمضان: “عامل الفيديو ده لجمهوري ولبعض الصحفيين المهتمين بالبيان اللي أصدره رئيس إحدى القنوات الخليجية في مصر، ده حق الرد” – في إشارة منه لقناة “mbc مصر”.
وتابع: “الحقيقة ده بيان كاذب يدعي إني أخدت العربون وأن رئيس القناة طالبني بيه وأنا رفضت أرجعه، الكلام ده كله غير حقيقي، الحقيقة إني موقّع عقد مع شركة تابعة لمجموعة والشخص اللي أصدر البيان موظف فيها بيرأس إحدى قنواتها، أنا مش موقّع معاه عقود أنا مع شركة، الشركة دي تم الاتفاق معاها إني هعمل في 2018 مسلسل مع العدل جروب هيتم عرضه على دي إم سي في مصر وقنوات عربية أخرى”.
وأضاف “عايز أوضح هذه الحقيقة إن الكلام اللي اتقال في حقي ده كلام كاذب والغرض منه الإساءة لسمعتي وللقناة اللي اشترت مسلسلي هذا العام؛ لأن مش ممكن تعرض مسلسلي وتاخده وهي عارفة إني على خلاف مع قناة أخرى دي مش أخلاقنا كمصريين، دي الحقيقة عشان الناس اللي وصلها البيان، ده حق الرد”.