وأضافت أن طريقة الفنان أحمد فهمي في تقديم مهرجان الجونة السينمائي، كانت تحمل نوعا من الدعابة والروح الفكاهية، أما هجوم الفنان حسين فهمي على مهرجان الجونة، غير مبرر، رغم أنه كان من المدعوين له آنذاك ولم يأت.
وعن صورتها مع شريف طلياني، ممثل أفلام البورنو، على السجادة الحمراء بمهرجان الجونة السينمائي، قالت: “مكنتش اعرف انه ممثل أفلام بورنو، واتصورت معاه على إنه كان معجب.. وحتى لو كنت اعرف أنه ممثل بورنو كنت هتصور معاه لأني كنت في إطار مهرجان سينمائي قدام الناس كلها، ومحتشمين في ملابسنا ومفيش عيب إني اتصور معاه”.
وأكدت أنها لا تسامح حتى الآن الفنان أحمد الفيشاوي، عما بدر منه في مهرجان الجونة السينمائي، وتابعت: “جه تاني يوم على السجادة الحمراء وحاول يعتذر.. سلمت عليه علشان السلام لله.. لكن قلتله كلمة واحدة بتقولها أم لابنها المشاغب المتمرد غير المسؤول ( بحبك علشان ابتدينا مع بعض من زمان وإنه مفيش عداوة.. لكن لا تعجبني تصرفاتك وأرفضها) وكنت أتمنى إنه يكون في اللحظة دي ابني علشان أقوم مسلمه على خده يمين وشمال”.
وأوضحت أن الفنانة نيللي كريم أكثر شخصية مقربة إليها، لكن تخشى على علاقتها بها بسبب تواجدها معها في الوسط الفني، موضحة: “بحبها وشفت مجهودها وتعبت إزاي واتظلمت كتير لحد ما ربنا نصفها، ومع ذلك تظل هناك مسافة بيني وبينها علشان بنعمل في نفس الوسط، وديما بخاف على علاقتنا بسبب التنافسية”.