اجتمع عدد من النجوم في حفل سحور مساء أمس، الجمعة 29 مارس.
ونشر الشاعر بهاء الدين محمود صور من الحفل عبر حسابه على Facebook، ظهر فيها مع النجوم تامر حسني وإيهاب توفيق ودينا وغيرهم.
وكتب بهاء الدين محمد تعليقا على الصور: “شكرا على الدعوة و اليوم الجميل ولك كل الإحترام والتقدير “.
يذكر أن بهاء الدين محمد احتفل في أول مارس بزواج ابنه، ونشر صورته مع ابنه وعروسه وكتب ليبارك لهما ويتمنى لهما حياة سعيدة.
على جانب آخر، كان بهاء الدين محمد تراجع في أكتوبر الماضي عن قرار الاعتزال.
كتب بهاء الدين محمد عبر حسابه بموقع Facebook: “مهما توقعت أو حسيت أو تخيلت مش ح أعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار اعتزالي والتركيز فقط على تأملات فى نِعم الله، ورد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللي وصلني من كل مكان وعرفت من خلاله إن ليا مكان في قلوب من حقهم الرفض”.
وتابع: ورد الفعل اللى رافض الإعتزال خلانى أتجاوز اللحظة اللى خليتنى أفكر في القرار، كانت لحظة سخيفة اتجمعت فيها أحداث كتيرة مش حلوة ونفوس وقلوب كلها حقد وسواد وغباء في الحياة الفنية والشخصية، وكم كبير من ضعف وطمع ناس مش ناس !!! وأنا مهما قابلت وكنت قد أي هجوم قذر او بالمعنى الأوضح (وساخة ناس مريضة وكلها غل ونقص) بس حسيت إنى محتاج هدوء، وحسيت في لحظة إني محتاج أعيش لنفسي ومع نفسي بعيد عن أي ظروف تجبرني على الاحتكاك أو معاملة الناس المرفوضه دين وحياة وأخلاق!!! وأنا مش سهل أوصف ناس بالشكل ده”.