تعاقد الفنان محمد سلام مع إذاعة “انرجي” على تقديم مسلسل جديد في موسم رمضان 2024 ومن إخراج زهرة رامي.
نشرت الصفحة الرسمية للإذاعة صورا من تعاقد محمد سلام وكتبت معلقة “إذاعة إنرجي تتعاقد مع النجم محمد سلام على مسلسل في رمضان 2024 سيناريو وحوار أحمد محارب دوجلاس ومحمد محارب وإخراج زهرة رامي بحضور رئيسة الإذاعة عايدة سعودي.. واستنوا مفاجآت تانية في الطريق”
كان محمد سلام قد تفاعل مع الأحداث في غزة منذ اندلاع الحرب ورفض السفر مع فريق مسرحية “زواج اصطناعي” التي عرضت في موسم الرياض بداية نوفمبر الماضي، بسبب أحداث غزة.
وظهر محمد سلام في فيديو أعلن فيه اعتذاره عن عدم السفر إلى السعودية لتقديم المسرحية بسبب استمرار العدوان على غزة، وقال: “السلام عليكم ورحمة الله إنشالله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إنشالله يوم 30 أكتوبر”.
وتابع محمد سلام:”هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم”.
وأوضح:”أنا مش هقدر أسافر طبعا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده”.
واختتم:”كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا”.