فاجأ البوب ستار رامي عياش زوجته مصممة الازياء اللبنانية داليدا بأغنية خاصة بمناسبة عيد الميلاد والتي تحمل عنوان ” من نص القلب” وقد قدمها خلال حلقته الخاصة التي عرضت على شاشة lbci بمناسبة عيد الميلاد في برنامج الاعلامية كارلا حداد اون ستيج.
وتضمنت الحلقة الخاصة بعيد الميلاد الكثير من المواقف العفوية بينه وبين زوجته وبين اطفالهما، كما قدم العديد من الاغنيات لكبار الطرب اللبناني.
وبعد تصدره الترند على موقع اكس، بوسمين، وسم اسمه ووسم عنوان الاغنية “ما بنساك” وجه البوب ستار الفنان رامي عياش رسالة للجمهور وكتب :” بوسة عخد الحبايب شكرا انكن بتحسسوني انو الاغاني الكلاسيكية والمتعوب عليها ما صارت خارج السياق والذوق العام #ما_بنساك #رامي_عياش“.
ويأتي ذلك بعدما طرح رائعته الجديدة التي حملت عنوان “ما بنساك” وهذه الأغنية تتسم بالطابع الرومانسي، الرقيق، الذي يخطف القلوب، قدمها رامي بأداء وإحساس عالي، وقام بتوصيل رسالته بكل سهولة ووضوح، وصاحبها توزيع موسيقى أوركسترالي عالمي بمشاركة 44 عازف، وتم استخدام بعض الآلات الموسيقية بفاعلية مؤثرة إلى حد الإبهار، وقد تم التسجيل بأحد استوديوهات العاصمة الأوكرانية كييف.
وكان قد غرد للجمهور كاتباً:” من مبارح لليوم غمرتوني بتعليقاتكم وآراءكم المميزة اللي بقدّرها عن الفن الجميل ولأغنية اخدت كتير تحضير وتنفيذ .بحبكن من قلبي ولكل اللي بعد ما سمعوها “صار فيكن تسمعوا أغنيتي الجديدة “#ما_بنساك” على قناتي على “يوتيوب” وجميع المنصات الفنية”.
أغنية “مابنساك” كلمات مازن غنام، وألحان رامي عياش، وتوزيع موسيقى ألكسندر ميساكيان، وتوزيع شركة “ديجيتال ساوند.
وتقول كلمات الاغنية:
بعدو القلب بيشتقلك
و بعدو جرح الماضي معي و معك
و بعدو الزمن واقف
و بعدو القلب واقف
من لحظة الي تركنا انا وياك
ما بنساك
يا جرح العايش فيي ما بنساك
ما دامو قلبي الطيب بعدو معاك
رح كمل عمري كلو استناك
بعدو الزمن واقف
و بعدو القلب واقف
من لحظة الي تركنا انا وياك
بعدو قلبي عم يسألني
اذا بكرا رح تسأل عني
والمقعد عم يدمع
ناطر سوى نرجع
عا مطرح ما كنا انا وياك
ما بنساك
جرح العايش فيي ما بنساك
ما دامو قلبي الطيب بعدو معاك
رح كمل عمري كلو استناك
ما بنساك
يا جرح العايش فيي ما بنساك
ما دامو قلبي الطيب بعدو معاك
رح كمل عمري كلو استناك
بعدو القلب واقف
و بعدو الزمن واقف
من لحظة الي تركنا انا وياك
ما بنساك