أكدت الفنانة شيرين أنها ترفض إجراء أي عملية تجميل مشيرة إلى أنها لا تخفي سنها أبدا لأن الجمهور لا يمكن خداعه.
وقالت شيرين خلال لقاء مع برنامج “قعدة ستات” من تقديم مروة صبري: “أنا مهما عملت عشان أبقى حلوة أو أجمل في نفسي، مش ممكن أبدا هيوصل أي بشر أنه يكون أحسن من خلق ربنا”.
وتابعت: “ممكن أجي أكبر خدودي شوية يقفلوا على عينيا، ممكن أجي أشد وشي حواجبي تترفع يبقى شكلي شيطاني، الخطوط في الوش دي العمر والسنين، كل واحد بيبقى عنده قناعة، أنا قناعتي بعيدة عن الموضوع ده”.
وأكملت شيرين متحدثة عن فكرة كشفها لعمرها الحقيقي في أي لقاء لها: “أنا مش هفضل شكلي زي زمان، ناس بتعتب عليا أن بقول سني الحقيقي طيب لو مقلتوش ما مسرحية “المتزوجون” متصورة من سنة 1979 يعني حاجة وأربعين سنة وأنا قدامهم بحسبة بسيطة جدا هيقولوا دي ست كدابة، وليه أكدب عشان إيه أنا راضية جدا”.
يذكر أن شيرين شاركت في رمضان 2023 في 3 مسلسلات وهي مسلسل “تغيير جو” مع منة شلبي وإياد نصار، ميرفت أمين، صالح بكري، عصام عمر، آية أبي حيدر، والعمل سيناريو وحوار منى الشيمي ومجدي أمين، وإخراج مريم أبو عوف.
وشاركت في مسلسل “سوق الكانتو” مع أمير كرارة، مي عز الدين، فتحي عبد الوهاب، عبد العزيز مخيون، مها نصار ومحمود البزاوي، ومن تأليف هاني سرحان وإخراج حسين المنباوي.
ومسلسل “إكس لانس” مع محمد سعد، جيهان خليل، إبرام سمير، سارة درزاوي، حسن عبد الفتاح، مصطفى درويش، حسام داغر، عمر متولي، أحمد فتحي، ويزو، المسلسل تأليف ورشة بلاك هورس، وإنتاج ممدوح شاهين، وإخراج ابرام نشأت.