تحدثت المطربة الاردنية نداء شرارة عن التعليقات المتنمرة التي تتعرض لها حول ملامحها، ومطالبة البعض لها بتجميل أنفها.
وأوضحت نداء عبر صفحتها على Facebook أنها تحب ملامحها وتراها جميلة.
وكتبت: “أنا بشوف وجهي لطيف الحمدلله، كتير ببعتولي بس لو تعملي منخارك بتصيري أحلى، أو حتى تعليقات أنه أنتي فنانة لازم تعملي منخارك كتير بتتغيري، وأخر تعليق وصلني منخارك زي البتنجانه، ضحكت”.
وأضافت نداء شرارة: “بعرف منخاري مش أحلى شي وفي زوايا لما يصوروني منها بحسها بتنصح وجهي، وبعرف إني مش دائما بعطي عمري، يمكن بعطي أوقات اكتر من عمري، وأكيد وجهي مش أحلى وجه بالعالم”.
وأكدت نداء: ” بس أنا وجهي كله محبه، كله قبول، أنا عمري ما اتطلعت ع المرايه ما قلت الحمدلله ع كل شي، بحب حالي ومقتنعه أنه هاد نصيبي من الجمال”.
وتابعت: “عمري ما أهتميت بكيف ممكن الناس تشوفني من برا، قد ما بهتم كيف رح يشوفوني من جوا، الناس بتشوفني حلوه لإني بشوف حالي حلوه، لانو الطيبه اللي بداخلي مزروعه بملامحي، وأنا راضيه بشكلي الحمدلله، حبوا حالكم كيف ما كنتوا رب العالمين ما خلق شي مش حلو، حبيت اشارككم ما يدور في ذهني”.
يذكر أن نداء شرارة طرحت مؤخرا أغنية “أحب اسمي” من كلمات إيهاب غيث، ألحان محمود أنور وتوزيع جان ماري رياشي وأليكساندر مساكيان.