أعربت الفنانة شكران مرتجى عن استياءها من الحالة العامة التي باتت تنتشر مؤخراً بين الإعلاميين والفنانين، بمحاولات لتوجيه أسئلة للفنان تجعله ينتقد زميله، ومن ثم إعادة الحالة مع الفنان ذاته من مقابلة لأخرى.
وكتبت شكران على حسابها الخاص: “الأولاني بيسب التاني بيقوم التاني بيزعل وبيحكي عن الأخلاق وإنه مابيصير وطبعاً فانزات التاني مابيقصروا وبيصفقوله وأنه مو صح الكلام، بعد فتره التاني بيطلع بلقاء بيسأله الإعلامي”.
وتابعت:” أفتاح قوس وحط مية إشارة إستفهام وتعجب ع كلمة إعلامي (البعض طبعاً)، بيسأله شو رأيك شو قال عنك الأولاني بيقوم بيسبه بيقوم الأولاني بيزعل وبيحكي عن الأخلاق وإنه مابيصير وإنه مارح يرد وفانزاته بيصفقوله وووو”.
ووجهت كلمة خاصة لزملائها:” زملائي وزميلاتي خلونا صحاب ومو نحنا اللي بنقول رأينا ببعض في نقاد وجمهور، لاتكونوا ترند مجاني ببرامجهم لأشباه الإعلاميين، حاج حبوا بعض، بوست بلا سبب وأكيد مو قلة أدب ، بوست غير موجه وماله علاقه بأي لقاء جديد، ولكنها ظاهرة تستوقفني كل يوم وتحزنني، ومو بس عنا بكل مكان”.