قال الفنان هيثم شاكر، خلال لقائه ببرنامج “شيخ الحارة والجريئة” الذي تقدمه المخرجة إيناس الدغيدي، بقناة “القاهرة والناس”:”جمال مروان أخد فلوس وسافر بعد ألبوم “أحلى قرار”.
وأضاف:”كنت قد أنتجت ألبوم “أحلى قرار” وأعطيته لشركة ميلودي التي يملكها رجل الأعمال وصاحب قنوات ميلودي جمال مروان، علي أساس أن يأخذ نسبة من مبيعات الألبوم ولكنه أخل بالاتفاق”.
وتابع:”جمال مروان أخد الألبوم بتاعى وباعه وحصل الفلوس وسافر وكل الموظفين في شركته قالولي إحنا مجرد موظفين ولا نملك أ، نرجع لك فلوسك ولا نوقع علي أي شيء”.
وكشف الفنان هيثم شاكر، خلال نفس اللقاء، سر عدم غنائه أي أغنية لأي مطرب من نجوم جيله.
وأضاف:”محدش بيجيب سيرتي لا بالحلو ولا بالوحش ولا بيغنيلي ومحدش أحسن منى علشان أغنيله، وأنا ليا بالمعاملة، ومفيش في الوسط الفني أخوة أو صداقة حقيقية”.
وتابع:”الوسط بتاعنا فيه منافسة كبيرة جدا واللى بيطول التاني في المعركة بيقتله وكل أساليب الحرب مباحة في الشغلانة بتاعتنا”.
وأكمل:”زي ما فيش حد بيجيب سيرتي في الوسط أنا كمان مش هجيب سيرة حد، والاختيارات في الوسط مش بالكفاءة ولا بالقدرات الغنائية أو الفنية”.