نشر في 29-04-2020 الساعة 20:47

دشن عدد من رواد موقع التواصل الاجتماعي ” تويتر ” هاشتاج اسر ياسين وهاشتاج نيللي كريم بعد تحقيق مسلسل 100 وش نجاحا واهتماما كبيرا من الجماهير، وتصدر الهاشتاغات قائمة الأكثر تداولا على تويتر. 

وجاءت أبرز التغريدات كالآتي: 
آسر ياسين أحسن ممثل في مصر و فعلا جوكر مصر في التمثيل .
آسر ياسين عامل مسلسل هوا ونيللي كريم فظيع اوي بصراحة.
للمرة التانية #آسر_ياسين شابوة ليك فى مسلسل #بـ100وش .
طب لما انا أعيط على آسر ياسين ومحمد إمام كده امال هعمل ايه لما امير كرارة يموت اموت نفسى وراه .
آسر ياسين لازم يعمل مسلسلات كل شويه مش كل رمضان يعني يخلص مسلسل يبدأ في اللي بعده على طول ميبطلش.
وانا بتفرج ع ميت وش لقيت أسر ياسين خارج من بار انا عديت من قدامه قبل كده و عارفاه و نيلي كريم قاعده ف الكافيه اللي كنت قاعده فيه ف ورشة الحكي و اتبسطت من واقعية اللوكيشنز بحس انهم ناس عاديين زينا مش عايشين ف كوكب تاني .

انا عاوزه اشكر اللى عمل ميكس اسر ياسين مع نيللي كريم ده والله.

نفسي اهرب من العالم كله الي أعماق نفسي بنظرية السقوط الحر بتاع مسلسل نيللي كريم.

انا بحب نيللي كريم جدا وبحب روحها جدا وتتقدم بالنسبالي علي امينة خليل .

خلينا نتفق ان ميكس آسر ياسين و نيللي كريم أحسن حاجة حصلت في المسلسلات في الخمس سنين اللي فاتوا.

ويذكر ان تجسد نيللى كريم شخصية كوميدية تدعى “سكر” تعمل فى صالون حريمي، إلا أنها تستهوى النصب، فتسعى لإجراء عمليات نصب، تمكنها من جنى الأموال، تجعلها تتمكن من شراء “كوافير” خاص بها وتتوالى الأحداث.

 مسلسل “بـ 100 وش” تأجل عرضه من العام الماضى، حيث كان من المفترض أن يعرض فى رمضان الماضى، وتدور أحداث المسلسل في إطار كوميدي حول عمليات النصب لتتصاعد كل قصة 5 حلقات. 

و يشارك في بطولته كل من آسر ياسين ونيلي كريم، ومن تأليف عمرو الدالي وأحمد وائل و إخراج كاملة أبو ذكري.

يذكر أن شركة “العدل جروب” تعاقدت مع نيللى كريم، على بطولة مسلسل “سقوط حر”، وذلك لتنافس به العدل جروب فى السباق الدرامى الرمضانى المقبل.


أحدث تعديل 29-04-2020 الساعة 20:49