اوضحت النجمة حليمة بولند، عبر حسابها الشخصي على تطبيق “سناب شات”، حقيقة حسابها الشخصي على موقع “إنستقرام”، بعد أن استفسر متابعيها عن
كيفية زيادة عدد المتابعين عليه في فترة قليلة جداً.
وقالت “بولند”: “بس بغيت قبل ما أنام أوضح شغلة.. اللي بيسألوني عن أكونتي حاليا بإنستقرام إن شلون 3 ملايين ونص خلال 3 أو 4 أيام.. هذا أول أكونت
فتحت على إنستقرام.. طبعا أنا فتحت 3 أكونتات فنزعج جمهوري اللي صار مقاطع مضحك واللي صار حساب ساحر واللي صار مقاطع ما أدري إيش”.
وأضافت: “هذا أول حساب لي على إنستقرام رجعوه ليا شركة إنستقرام.. وتقدرون تسألون وتتأكدون.. وطبعاً اللي هكروه وخدوه مليون ألف واحد.. واشتغلوا
عليه ولعبوا فيه ونزلوا مقاطع.. الحين أنا استرجعته من كل هالفترة”.
وتابعت: “فأصلا لما تهكر ما كان في هذا العدد.. بس مع السنوات ومع زيادة الفلورز.. والناس اللي خدوه.. والشغلة الثانية اللي حبة أقولها أي أكونت راح
ينشر أي معلومة مغلوطة عني وتسيء لي راح أقاضيه بالمحاكم سواء داخل الكويت بالمحاكم الكويتية العادلة والنزيه.. أو بالقضاء الخليجي العربي وين ما كنا
عن طريق محاميا حسين العصفور”.
واختتمت: “هلا أنا ادري أني طول عمري أنا مستهدفة.. هذا اعتبره الحمد لله رب العالمين فضل من الله.. لأن طول عمري العين علي وهيك في ناس يطلعون
عليا اشاعات ويحاولون يصطادون بالميه العكرة ودايما يحولون يسيئون لي”.