احتفل أحمد سعد بتخطي فيديو كليب أغنيته الشهيرة “وسع وسع” نسبة مشاهدات تخطت الـ 200 مليون مشاهدة عبر موقع الفيديوهات العالمي “يوتيوب”.
ونشر أحمد سعد عبر حسابه الرسمي بموقع الصور والفيديوهات الشهير “انستجرام” مقطع فيديو لأغنية “وسع وسع”، معربًا عن سعادته بالنجاح الكبير التي حقتته الأغنية وعلق على الفيديو قائلا:” وسع وسع ل وسع وسع بعد ال ٢٠٠ مليون شكرا جمهوري الحبيب”.
وكليب أغنية “وسع وسع” من كلمات أحمد سعد بالاشتراك مع مصطفى حدوتة، وألحان أحمد سعد، وتوزيع موسيقى إيهاب كلوبيكس، والفيديو كليب من إخراج إسلام هشام، وتم تصويره فى أحد القصور التى تتميز بالفخامة، واستخدمت فى التصوير عناصر فنية جديدة مبهرة، كما نالت الرقصة التى ظهرت بالكليب إعجاب الجمهور وقاموا بتقليدها وتصدرت التريند لفترة طويلة.
وتقول كلمات الاغنية
شوف انت عامل و انا عامل ايه
شوف انت قد ايه و انا قد ايه
شوف انت اصلك ايه و انا اصلي ايه
ده اللي انت فرحت بيه انا متعود عليه
انا اللي ليك امان و عارف من زمان
من غيري تعمل ايه هتبوظ اكتر كمان
تفضل مشغول بحالي بالمكسب اللي جالي
واللي من مخي واقع هتموت و تلاقيه
وسع وسع … وسع وسع .. وسع وسع .. وسع وسع
مين اللي جاي يستني دوره جاي
اهلا باللي عايز سيبوه انا عايزه حي
شوف انت جاي منين وانا جاي منين
شوف انت روحت فين وانا روحت فين
شوف انت تبقي مين وانا ابقي مين
ده اللي عملته في حياتك عملته انا في يومين
انا اللي ليك امان و عارف من زمان
من غيري تعمل ايه هتبوظ اكتر كمان
تفضل مشغول بحالي بالمكسب اللي جالي
واللي من مخي واقع هتموت و تلاقيه
وسع وسع … وسع وسع .. وسع وسع .. وسع وسع
لو كانت بالكلام انا اسمعك الكلام
شوف انت نمره كام و الكام منك بكام
انا من غيرك تمام بس انتا مش تمام
مش رائي فيك لوحدي يا حبيبي ده رأي عام
لو كانت بالحظوظ الدنيا كانت تبوظ
يجوز او لا يجوز هتمشي زي اما اعوز
اثبت و استني عندك انا اللي ليا عندك
لو واخد حاجه منك تعالي و خدها جوز
وسع وسع … وسع وسع .. وسع وسع .. وسع وسع
مين اللي جاي يستني دوره جاي
اهلا باللي عايز سيبوه انا عايزه حي
مين اللي جاي استني دوره جاي
اهلا باللي عايز سيبوه انا عايزه حي
شوف انت عامل و انا عامل ايه
شوف انت قد ايه و انا قد ايه
شوف انت اصلك ايه و انا اصلي ايه
ده اللي انت فرحت بيه انا متعود عليه
شوف انت جاي منين وانا جاي منين
شوف انت روحت فين وانا روحت فين
شوف انت تبقي مين وانا ابقي مين
ده اللي عملته في حياتك عملته انا في يومين
وسع وسع … وسع وسع .. وسع وسع .. وسع وسع