تحدثت المطربة مروة نصر، عن المطربة شيرين عبد الوهاب وزواجها من المطرب حسام حبيب.
وقالت مروة نصر، ببرنامج سبوت لايت تقديم الاعلامية شيرين سليمان المذاع على قناة صدى البلد: «دي جوازة سودا على الوطن العربي كله، وأنا اتكلمت من حبي فيها وإني من جمهورها، ومستحيل أقيِّمها كمطربة».
ووجهت رسالة للمطربة شيرين عبد الوهاب قائلة: ربنا مديكي حاجات حلوة كتير أوي.. دم خفيف وصوت حلو وكل حاجة تقول انك نجمة».
وتابعت: «بس شيرين أوقات بتستخدم عفويتها فالناس بتستخدم ده، والفنان لازم ينتقي كلماته في الإعلام أو ما يتكلمش، ولحد النهاردة اللي مخلي عمرو دياب نجم كبير إنه مش بيتكلم في الإعلام، وده ذكاء خارق وليس غرور، وهو عارف إنه عنده رسالة، وعمره ما اتقال إنه شتم فلان».
واستكملت مروة نصر: «شيرين قدوة لبنات كتير أوي، ولو بنات شافتك بتحلقي شعرك أنا كـ أم وبنتي بتحبك وشافتك أعمل إيه؟، طبعا انتي حرة في حياتك ولكن لا تشاركي الجمهور، ومينفعش أدخَّل أهلي في مشاكل مع الناس، وهي عندها بنتين زي القمر».
وأضافت مروة في سبوت لايت: «شيرين عشان نجمة كبيرة الناس بتعديلها، ولكن لو نجمة صغيرة الناس هتمسكلها على الواحدة، وأنا غنيت معاها في ستار أكاديمي وكانت عرفاني قبل البرنامج ده، وكل ترينداتها اللي فاتت كانت استعطاف».