حظك ليوم الأحد 28 مايو مع خبير الطاقة والابراج مانو
الحمل♈
في مواضيع زاعجتك وأنت عم تكبرا شوي بدون ما تحس حتى لهيك بدك تطول بالك لأن الحل بسيط لهيك ما تاكل هم
الثور♉
أغلب وقتك عم تقضي مع رفقاتك هالكم يوم وأنت حابب تطلع وتغير جو وهاد يلي رح يصير
الجوزاء♊
عم ترجع للمواعيد المهمة وضغط الشغل بعد غياب ما كان كتير طويل وأمورك المادية رح تبلش تتحسن متل ما بدك
السرطان♋
بداية حياة جديدة عم تكون بالنسبة ألك بهاد الوقت ممكن بشغل عم يغير كلشي بالنسبة ألك أو تحسن عاطفي
الاسد♌️
من الصبح فايق ضايج وراسك عم يوجعك مو حابب تحاكي حدا كمان بس من بعد الساعة 2 الضهر رح يرجع كلشي تمام وفيك تطلع وتفوت وين ما بدك
العذراء♍️
ما تقضيها مشاكل مع يلي حواليك هالكم يوم لازم تساير شوي وما تعاند عطول خصوصاً اليوم
الميزان♎️
محبينك كترانين وكل العالم عم تفرح لنجاحاتك وأنت هاد الشي كتير بيعنيلك
العقرب♏️
أمورك العاطفية لمكركبة اليوم رح تنحل كل أمورك فيها بس دير بالك تخلي حدا من العالم يلي حواليك يعرف تفاصيل عن هاد الموضوع
القوس♐️
الموضوع يلي زاعجك اليوم هو أنك كتير مشتاق لشخص وما فيك عم تعترفلو ولا فيك تتحكم بمشاعرك بس كل هاد رح يمر لهيك طول بالك
الجدي♑
عم تدور عشغل جديد وهاد الموضوع كتير عم ياخد من طاقتك وتفكيرك لدرجة كبيرة بس بالنهاية رح تلاقي الشغل تطمن
الدلو♒️
العالم يلي حواليك بلشت تستغرب من تصرفاتك شوي وأنت عم تتقصد هاد الموضوع ومابدك تخبر حدا شي خصوصاً بشغلك
الحوت♓
رجعت تشغل العالم بمشاكلك الصغيرة ودموعك يلي ما بتخلص بس هالشي رح ينحل من بكرا المسا