انهارت الإعلامية المصرية، رضوى الشربيني، بالبكاء هي والمذيعة منى عبد الوهاب خلال حديث الأولى عن تفاصيل مؤلمة أثناء وفاة والدتها.
وتحدثت الشربيني خلال استضافتها في برنامج “أنا والقعقاع”، الذي تقدمه منى عبد الوهاب عن الفترة التي أصيبت بها والدتها بفيروس كورونا قبل عامين، وقالت إن أفراد المنزل بالكامل أصيبوا بالمرض، وحينها ردت عليها والدتها: “لو دخلتيني المستشفى أنا هاموت، هوّنت عليها وقلت لها إنه بس 48 ساعة هنظبط فيها الأكسجين، وبعد 12 يوما مرت وهي أصعب أيام في حياتي، وكان الدكتور بيبعت لي حد يديني حقنة عشان أقدر أشوف البيت وأعمل تحليل لكل الناس اللي في البيت وأروح لوالدتي وأتخانق مع الدكتور”.
وأضافت الشربيني: “الدكتور كلمني وقالي تعالي شوفي مامتك عشان تتحسن وتبقى أحسن فتعالي شوفيها، فروحت على طول، فاقت وبعدين بصت لي، وقالت لنا أنا وأخويا خلي بالكم على بعض، وبعدين كل الأجهزة وقفت، وكل الأرقام عمالة تقع، ولما سألنا الدكتور إيه اللي بيحصل قالنا ده الطبيعي وخرجنا بره”.
وتابعت: “يوم الوفاة أنا كنت رايحة لها في الطريق وكأني مستمعتش كلام الدكتور لقيت المساعدة بتاعته بتكلمني قبل ما أوصل بدقايق بسيطة بتبلغني إن والدتي اتوفت”.
زوج دينا الشربيني المستقبلي
وأبدت رضوى الشربيني استعدادها لإعادة تجربة الزواج بعد انفصالها عن والد ابنتيها تيا وتمارا، شرط أن يتمتع الرجل الذي تختاره بمواصفات عدة تؤهله للفوز بقلبها.
وأشارت إلى أنها تتمنى أن يتمتع الشخص الذي تختاره بشخصية قوية، ليكون سندها في الحياة، ويمدها بالقوة لتخطي المشاكل التي قد تمر بها.
وشددت على ضرورة أن يكون ذلك الرجل صادقا ومتصالحا مع نفسه، ويتخذ القرار بالانفصال عنها عندما يشعر أنه لم يعد بحاجة إليها في حياته، وعلقت: “عليه ألا يقوم بأي أمر يجرح رضوى الشربيني وأن ينسحب بهدوء ويقول آسف مش قادر أكمل”.
وتابعت: “عايزة الراجل يكون قادر علشان أنا ست قادرة، وعلشان العفو عند المقدرة، وكل ما هيكون راجل قادر مش هيبص على أخطائي وعلى الثغرات في الحاجات اللي بعملها وهيكبر دماغه، ومش هيبص على عيوبي”.
ولفتت إلى أنه على زوجها المستقبلي أن يكون أنجح منها في عمله، ويكون طموحا ويتعامل مع الجميع بإنسانية ويتقي رب العالمين في التعامل معها ومع والديه.
وعلقت: “لازم يكون بحبني أوي ويهتم بيا أوي ويعرف يتعامل معايا لأني صعبة أوي. ويكون حنين وطيب ودمه خفيف، ولازم يبقى شيك في نفسه وخفيف كده، وخير اللهم اجعله خير صحيت من النوم”.