كُرمت الفنانة إلهام شاهين، في حفل توزيع جائزة دير جيست، عن دورها في مسلسل بطلوع الروح، والذي عُرض في الموسم الرمضاني الماضي 2022 وهو انتاج شركة سيدارز ارت للانتاج الفني لصاحبها المنتج اللبناني صادق الصباح.
وقالت إلهام شاهين في كلمتها أثناء تسلمها جائزتها على مسرح دير جيست: دايمًا دير جيست تجمعنا وتفرحنا ونحتفل بالفنانين اللي أسعدونا، ويارب السنة اللي جاية تكون سنة جميلة مفيش فيها أوبئة ولا أمراض ولا حروب ولا حالة اقتصادية صعبة وإن شاء الله اللي جاي أجمل، لازم دايمًا نتفاءل.
وتابعت: أنا سعيدة جدًا بالجائزة لأن استفتاء الجمهور بيكون فيه قيمة كبيرة جدًا، وخصوصًا الجوائز الكتير اللي أخدها مسلسل بطلوع الروح، ليا ولكل العاملين أمام الكاميرا ووراء الكاميرا، هي رد على كل المتاجرين بالدين وكل المتطرفين اللي إحنا كلنا بنحاربهم.
واختتمت إلهام شاهين حديثها قائلة: يا رب دايمًا ينصرنا عليهم ومصر أكبر منهم بكتير أوي، ويارب كل الخير لمصر ولكل الوطن العربي إن شاء الله.