وجهت الديفا الفنانة اللبنانية هيفا وهبي رسالة إلى الفنانة يسرا اللوزي بعد تعرض ابنتها للتنمر بسبب ضعف سمعها.
وعبرت هيفاء عن استيائها من التعليقات التي تكتب ليسرا اللوزي وبها إشارة إلى ضعف سمع ابنتها وقالت: الإنسان اللي عنده مشكلة في حياته أحسن من 100 شخص بيتنمر، ممكن البنت لما تكبر تبقى أذكى وأحسن من كل العالم، المهم أن لا تتأثر لا البنت ولا والدتها بما يكتب.
وتابعت هيفاء وهبي: يسرا اللوزي أنا بحبها وربنا يخليلها بنتها، المهم متتأثرش والحمد لله أن البنت ليها أم قوية بتواجه مجتمع مريض، لكن في نفس الوقت في أشخاص واقفين جنبها وبيدعموها، أحنا مش لازم نستسلم للمتنمرين، والمتنمر اللي بيسخر من طفلة دي خلقة ربنا.
وطالبت هيفاء وهبي بوجود قانون لمواقع التواصل الاجتماعي لمحاسبة كل من يتنمر على أي فنان وقالت: لازم يكون في قوانين للسوشيال ميديا ولما نفتح حساب جديد نكتب رقم البطاقة علشان لما حد يتنمر نقدر نوصله، لكن لما بيكون اسم الحساب أبو نونة وأم سوسو مش هنعرف مين بيكتب إيه.
وكانت يسرا اللوزي كشفت عن تعليق أحد متابعيها الذي تنمر عليها وعلى ابنتها، وكتبت تعقيبا على تنمره: ده كان أحد التعليقات حبيت أعرفكم بس مش هرد خالص هسيبلكم الموضوع ده.
كما كشفت الفنانة هيفاء وهبي عن رأيها في الحملة التي تعرضت لها على السوشيال ميديا بعد صورتها في موسم الرياض، حيث أكدت أنها مخطط فاشل هدفها التقليل وإفساد صورتها أمام جمهورها.
وأضافت في مداخلة هاتفية مع برنامج القاهرة اليوم: «أنا لوني الحقيقي أسمر، فالسمار ليس عيبًا، هو فعلًا فيه كدا؟ هو فيه أحلى من السمر؟ أحلى ناس في العالم السمر انا بروح الشاطئ كي اخذ لون الاسمر».
وتابعت رداً على المتنمرين والحاقدين: «أنا سمرا، أنا وحشة، شكرا يا عم، أنا طلعت على المسرح وأثبت للكل أن من وراء هذه الحملة أشخاص كذابين، وبيغاروا من النجاح، فالشخص اللي صالب على طوله وناجح بتغاروا منه».
وأردفت: والشخص الفاشل تتركوا لحاله لأنه لا يؤثر عليكم، في ناس كده، يعني إيه سمراء؟ أنا مبسوطة بسماري، إيه العيب في كده؟ إيه المشكلة؟ في الآخر دي صورة لا راحت ولا جت، فين العيب؟ العيب لو عملنا حفلة فاشلة، إيه العنصرية دي ؟! «
وأوضحت: بعد كل الحملة دي طلعت على المسرح، ونجحت وجمهوري خطف قلبي، والناس كانت بتقولي عايزين ناخدك معانا، متمشيش«.