طرح الفنان المصري محمد حماقي أغنيته الجديدة التي حملت عنوان “أدرينالين”، عبر قناته الرسمية عبر يوتيوب.
الاغنية من كلمات وألحان: عزيز الشافعي توزيع وميكس: تميم.
وتقول كلمات الاغنية
لمست ايدي عملت كونتاكت
الكهربا مسكت في الشرايين
زودت الأدرينالين .. قلبي وعيني مش قادرين
مشت قلبي على الخط
ماراحش شمال وماشافش يمين
انا هنجت اتبنجت اتمزجت انا معمولي كمين
الله عالبسمه البسمه
والعود والرسمه الرسمه
جايه في وقتها والله
ماهي جت في اللحظه الحاسمه
الله عالخفه الخفه
والعود واللفه اللفه
جايه في وقتها والله
ماهي جت من بعد اللهفه
ثانيه واحده بس نفهم
الجمال ده مش بيرحم
الجمال ده ناره قايده
كل نظره متعه زايده
ثانيه واحده بس ندرس
الجمال ده يهري يفرس
الجمال ده ناره والعه
من الدلع و من الملاوعه
لحظه واحده بس هدّوا
الجمال ده مين اللي قده
الجمال ده ناره جنه
معذورين لو اتفتننا
لحظه واحده لحظه واحده
لا بجد احلى واحده
في الطعامه زايده حته
حتتين تلاته سته
ونشر الفنان محمد حماقي مقطع فيديو أغنيته الجديدة “ادرينالين” على حسابه الشخصى على موقع “إنستجرام” وعلق بكلمات من الأغنية قائلا: “لمسِت إيدي عملت كونتاكت.. الكهربا مسكِت في الشرايين.. زوّدت الأدرينالين”.
وطرح محمد حماقي مؤخرًا أغنيته جمالها استثنائي عبر قناته الرسمية بموقع الفيديوهات الشهير يوتيوب وتعاون فيها مع كل من الشاعر الغنائي تامر حسين، والملحن عزيز الشافعي، والموزع الموسيقي تميم.