شاركت الممثلة القديرة ليليان نمري مع متابعيها خاطرة جديدة وجّهت لهم من خلالها نصيحة ليليانية كما اعتاد عليها محبوها.
وكتبت: “صديقي.. صديقتي مش قصة حدا اخَد محَلَك بالوقت الصح.. القصة إنك زِحِت بإرادتك لشخص، ان شالله ما يطلَع غلط.. ناس بتجي وناس بتروح والحياة بدها تكَمِّل، وإتأكد صدقني ما حدا بيموت وراك إلا اهلك وكلبَك اللي مربيه وناس كانوا يحبوك بلا ولا شي ولا مصلحة وتسلايي وتعباية وقت ما تعيشها كتير وتهتم كتير وتعطي قيمة لناس اكبر من حجمهم.. عيش وافرح بحياتك ما حدا مانعك اكيد وبيحقلك ان كان مفهومك بالحياة مرة جايين عا هالدني، بس ما تنسى الوَفا.. ما في اروع من الحياة السهلة والحياة السهلة بالقناعة والتواضع.. كلو فاني نوعا بقا.. رايحين ما اخدين معنا شي.. وحياة المظاهر الخداعة ما بتَعملنا بشَر ولا بتخَلينا إنسان.. هيدا إذا كان بعد في شي مفهوم او حقيقي بمعنى الإنسانية.. بتمنالكم نهاية اسبوع سعيدة للجميع”.