هاجمت ميار الببلاوي الراقصة دينا بسبب تصريحاتها الأخيرة حول عدم تأجيل مسلسلات رمضان بسبب انتشار فيروس كورونا .
كتبت ميار عبر صفحتها الشخية “فيس بوك”: “بجد مقدرين تضحياتكم الفظيعة في سبيل شهر ربنا شهر الرحمة والمغفرة والصلاة والصوم والذكر أنكم مصممين تضيعوه علينا كان رمضانكم غير رمضانا استغفر الله كان”.
وأضافت: “رمضان مش هيبقى رمضان من غير المسلسلات والمسابقات واللهو الي اغضب ربنا علينا العمره اتمنعت والاذان والمساجد اتقفلت رحمه ربنا الى محتاجينها دلوقتى اللجوء ليه مش لمسلسلاتكم حتى لو صحابي هيزعلوا منى بس ربنا بيقولكوا سيبوا رمضان لاهل رمضان اتقوا الله علشان يجعل لنا مخرج ويرفع الوباء والبلاء مين معايا يا جماعه.
لترد نشوى مصطفى عليها :” ودي زميلة ممثلة — ومش معتزلة على فكرة لأن قريب كانت بتمثل عادي — والاخت مش عارفة أنه حرام تغتاب زميلة ليها وحاطة صورتها وماتعرفش مين أقرب لله هي ولا دينا ومتعرفش أن العبرة بخواتيم الاعمال — لاحول ولا قوة الا بالله.
لاحول ولا قوة الا بالله — ايه ده ؟؟؟؟ هو انتي ياميار اعتزلتي التمثيل ؟؟؟؟؟ اصلك لحد قريب كنت عارفة انك بتمثلي عادي حتى لو في رمضان وبعدين الممثلين يضيعوا عليكي رمضان ليه
وأضافت : انتي عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الاشرار —ياميار حرام تستعدي الناس على زمايلك وتقولي للناس مين معايا — عيب والله ده انتى كلتي معاهم عيش وملح ادعي بالهداية لكن غيبة ونميمة لاء كوني قدوة وسيبك من لم اللايكات وادعي ربنا يتقبل طاعاتك ويغفر لك ذنوبك — غفر الله لنا ولكي
وتابعت : على فكرة شيلي صورة دينا علشان حرام عليكي ده بيسمى في الاسلام غيبة لانها ماتعرفش انك حطه صورتها وبعدين اتقي مكر الله ياميار إن مكر الله شديد لاتزكوا انفسكم هو اعلم بمن اتقي والسلام عليكم ورحمة الله وبركاته.