قالت الفنانة مايا دياب بمنشور مطول عبر حسابها في موقع اكس : “زمن الإنحطاط على كل أنواعه.. زمن كل شي بلا قيمة عم بيعملوله قيمه.. زمن كل اهبل على السوشيل ميديا بصنّف حاله أول .. قالوا مين فرعنك يا فرعون قال : تفرعنت وما حدا ردني ..
ايه نحنا هون .. اللي كنا نضحك عليهم صاروا مش بس مشهورين وكمان التلفزيون بلبنان بطلعو ضيف وبيعمل معه حلقة وبينشر الفضيلة مش بس على التلفون انما ايضا عالشاشة الكبيرة.. زمن رديء وزمن كل مين ايدو الو.. يلا بقول اللي عندي وبعطي نصائح وبينطروا رأيي المهبول .. زمن ناس ما تعلمت وكمّلت علم طالعة تنصبّ حالها علينا دكتور او اخصائي بشي ممكن يأذي الناس..”
وأضافت دياب عبر حسابها على منصّة “إكس”: “اللي مفكّر انه الزمن اليوم متطور اكثر من قبل بكون غلطان.. روحوا شوفوا القلاع والأثار كيف تعمّرت اللي لليوم ما عرفوا كيف تم انشائها .. روحوا شوفوا كيف تم بناء الاهرامات شوفوا قوة وذكاء القدماء وكفى تحكوا عن انجازات سخيفة وهبلة عم تخلي الاجيال بلا عمل وبلا رغبة بالإنتاج الا على منصات بتعطيهم المال اللي ما كانوا شايفينه بحياتهم بطرق سريعة وسهلة.. صاروا اصحاب ماركات واملاك وهم ما بيعرفوا يفكّوا الحرف.. لوين بعد رايحين؟؟”
واجتازت الفنانة مايا دياب بأغنيتها قلبي قفلتو اول مليون واكثر من 200 الف بنسبة عدد المشاهدات.
وتقول كلماتها
من زمان
قلبي كان
يعلق و يحب بسرعة
من زمان
قلبي كان
من نظرة يحس بلمعة
بحبك صارت هالكلمة بعيدي
ما بدي جروح جديدي
قلبي قفلتو اليوم
تقفل قلبي و مفتاحو ضايع
و صاير هالدنية بايع
و كلو عليك اللوم
بدي شي أي شي
ينسيني الشفتو منك
بدي حب بدي عيش
و ما أعرف ولا شي عنك
بحبك صارت هالكلمة بعيدي
ما بدي جروح جديدي
قلبي قفلتو اليوم
تقفل قلبي و مفتاحو ضايع
و صاير هالدنية بايع
و كلو عليك اللوم
بحبك
هالكلمة بعيدي
ما بدي جروح جديدي
قلبي قفلتو اليوم
تقفل قلبي و مفتاحو ضايع
و صاير هالدنية بايع
و كلو عليك اللوم