رد محمد عبد الوهاب، شقيق النجمة شيرين عبد الوهاب، على الاتهام الذي وجهته له بالمساعدة على السيطرة على منصات التواصل الاجتماعي الخاصة بها، بمساعدة المحامي محمد الشاعر.
ونشر محمد عبد الوهاب عبر حسابه في موقع فيسبوك صورة تجمع شيرين بفريق عمل الشركة التي تولت السوشيال ميديا الخاصة بها، وكتب معلقا على الصور: “ادي الشركة اللي هي بتقول عليها متعرفش حاجة عنها ولا انها اشتغلت معاهم ولا انها تعرف اني مضيت معاهم”.
وأضاف: “الصورة على حسابها على إنستاجرام وهي بتشكرهم علي شغلهم معاها من 2018.. التحقيقات إن شاء الله هتثبت بالادلة و بإظهار العقد صحة موقفي، ومحمد الشاعر ده أشهد قدام ربنا إنه من أنضف الناس اللي هي اشتغلت معاهم وشهادتي فيه مجروحة وهو معروف مين وابن مين من أكبر عائلات مصر وناس سمعتهم سبقاهم”.
وكانت شيرين عبد الوهاب قالت في تسجيل أذاعه برنامج “الحكاية”، من تقديم الإعلامي عمرو أديب عبر قناة MBC مصر: “فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد إن كلام حسام مضبوط جدا، وأخويا فعلا باعني، والتصريح اللي نزل دا نزل من المحامي محمد شاعر المستولي على السوشيال ميديا بتاعتي، وبتوكيل أنا كنت عاملاه له قديم مضى له ورقة أو عقد تملكه من حساباتي، وموقعين بتاريخ قديم، كل كلام حسام حبيب مضبوط، وماتصدقوش أي حاجة من كلام محمد عبد الوهاب”.
وأضافت: “أنا مابحبش أتكلم عن مشاكلي الشخصية دلوقتي عشان ماشغلش حد، والناس ماتقعدش تقول احنا ماورناش غير شيرين ومشاكل شيرين، لكن لازم تفهموا إن في أغاني حلوة جدا جدا، توما عاملها وعزيز الشافعي ومدين، وفي حاجات بتخلص من التصريحات عشان المشاكل مع الشركة المنتجة، في حد بشخصه قاصد يقعدني في البيت، بنخلص الحاجات دي والأغاني هتنزل وهتعجبكوا جدا، وبإذن الله الأغاني هتعجبكم”