احتفلت الفنانة نهال عنبر بنجاح ابنها الفنان حسام الحسيني في مسلسل “بطن الحوت” ودور “الشيخ هندي”.
ونشرت نهال عنبر فيديو لها مع ابنها حسام الحسيني وكتبت تعليقا عليه: “جبتلكم الشيخ هندي … مبسوطه جدا برد الفعل كل الناس بتكلمني تباركلي… مبروك يا حس ابن الوز عوام”.
وقالت نهال عنبر في الفيديو: “عايزة أقول للشيخ هندي مبروك حسام على الدور اللي عملته الجامد جدا أنا كل الناس بتكلمني تباركي، كأن أنا اللي عامله الدور، ممثل هايل جدا ابن الوز عوام ليا بصمتي معاه ألف مليون مبروك كل اللي في المسلسل عاملين أدوارهم حلو”.
وتابعت نهال عنبر: “عايزة اشتكليكم كنت بسأله إيه اللي هيحصل وكنت بتهمه اتهامات ولما كلمت المخرج قالي أنه مكنش عارف النهاية”.
ويعد مسلسل “بطن الحوت” عودة لحسام الحسيني للتمثيل بعد توقف دام 7 سنوات.
مسلسل “بطن الحوت”بطولة محمد فراج، باسم سمرة، أسماء أبو اليزيد، سماح أنور، عبد العزيز مخيون، يوسف عثمان، حسام الحسيني، بسمة، زينب غريب، حسن أبو الروس، ترنيم هاني، سارو شديد ومن ضمن ضيوف الشرف تامر حبيب، أمينة خليل، وأحمد فهمي.