وجه الفنان محمد حماقي نصيحة للفنانين الشباب المقبلين على دخول المجال الفني، مشددًا على ضرورة تكوين شخصية مستقلة.
وقال حماقي خلال مؤتمر xp music في الرياض: اوعى أبدًا تكون سوبر ماركت، متحاولش تقدم كل شيء جواك وميكونش ليهم علاقة ببعض، الفنان براند لوحده، مش النهاردة السوق عايز نوع معين فنغنيه وبكرة السوق عايز نوع تاني فنغير، المغني عنده شخصية.
أما عن الفرق في طرح الألبومات بين بداية مشواره الفني وحاليًا من وجهة نظره، أشار إلى أنه قديمًا كان في البداية يكون في جلسات عمل مع الشعراء والملحنين والموزعين، ومن ثم يتم طباعة الألبوم على سي دي أو شرائط، مضيفًا: كان فيه حاجة بنعملها اسمها كلاس ماستر عشان الشرائط، وبعدين بنتبلغ بالمعاد اللي هينزل فيه الألبوم وبنبلغ بيه كل محلات الكاسيت.
حفلات حماقي
وفي سياق متصل، قرر حماقي تأجيل جولة حفلاته التي كان من المقرر إحيائها في أمريكا الشمالية ما بين 22 فبراير وحتى 3 مارس المقبل، وذلك وذلك نظرًا للأحداث الحالية في غزة.
كما قرر التبرع بأرباح حفلاته للهلال الأحمر لدعم أهالي غزة ضد العدوان الإسرائيلي، وكتب سابقًا عبر حسابه على انستجرام: طول عمر الفن ليه قوة وبتظهر في المواقف الصعبة، دايمًا كنت بقف عند قوة أم كلثوم لما كانت في عز الحرب بتعمل حفلات عشان أرباحها تروح لدعم الجيش المصري، وبما إن السلاح اللي في إيدي هو فني، فقررت إني هستخدمه من النهارده ولحد انتهاء أزمة أهلنا في فلسطين، كل أرباح حفلاتي هتروح في صورة تبرعات للهلال الأحمر لدعم أخواتنا ضد العدوان اللي بيتعرضوله.