استعان الفنان تامر حسني، بآية قرآنية، موجها رسالة لجمهوره بضرورة التقرب من المولى عز وجل.
وكتب تامر حسني عبر حسابه الشخصي على Instgram: “أحنا في فترة من حياتنا عمرنا ما عدينا بيها قبل كده والكل تعبان وكتير مننا محتارين وكتير تايهين ومستغربين ومش مصدقين اللى بيحصل واللى شايفينه قدام عنينا”.
وأضاف تامر حسني: “دلوقتي كنت بسمع شيوخ كتير بيتكلموا عن اننا لازم نقرب لربنا عشان ده الحل الوحيد لكل الأديان عشان نخرج من الضلمة اللي عايشينها للنور.. روحت ماسك القرآن فجأة وفتحته وقولت ياترى لما أفتح عينى هتيجى على أي آية”.
وتابع: “فتحت وعينى جت على الآية دى، الحقيقة مفيش إشارة أوضح من كده اللى عايزه يشوفها صدفة أو اشارة بتقدير من ربنا، فى النهاية اننا نقرب لربنا اكتر اكيد حاجة أحسن وأكيد أحسن اننا نفتح القرآن ونقرا فيه ولو صفحة أيًا كانت عنينا نزلت على أى آية، قراءة القرآن فى حد ذاتها أصلًا ثواب كبير، سبحان الله وبحمده جمعة مباركة على الجميع”.
وخلال الفترة الماضية، تعاون تامر حسني مع الهلال الأحمر المصري في جهود الإغاثة، وشارك في حملة لإرسال المساعدات للمنكوبين بسبب إعصار ليبيا وزلزال المغرب.