حظك ليوم الأحد 14 مايو مع خبير الطاقة والابراج مانو


الحمل♈

مارح تكون فاضي تعمل شي هالفترة من كتر ضغط مواعيدك يلي كل يوم عم تكتر أكتر من قبل

الثور♉

برود أعصابك الزايد بلشت العالم تستغرب منو بس أنت هيك مرتاح ومو هامك حدا
الجوزاء♊
عم تلتقي مع عالم مهمة كتير رح تفيدك بشغلك مع الوقت طبعآ اذا عرفت تستفيد منن بالطريقة الصح

السرطان♋

عم تنشغل بسفر ضمن البلد يلي أنت في أو عم تغير مكان سكنك ليكون أقرب على شغلك وهيك اريح ألك

الأسد♌

فرحتك هاليومين مارح تعطيها لأن شغلك بلش يتحسن متل ما كنت عم تتعب قبل وأمورك العاطفية من بكرا عم تتحسن

العذراء♍️

نق أهلك فوق راسك اليوم رح يكون لصالحك لهيك بدك تتحمل شوي وتطنش كرمال يصير كلشي متل ما أنت بدك

الميزان♎

رغم ضغط شغلك نفسيتك مرتاحا وفي عندك عزيمة مرتبة بدك تحضر حالك مشانا وعم تلتقي مع حدا بتحبو

العقرب♏

عم تطمن عن حدا كتير غالي عليك وبدك تفرح بخبر بخصو كمان وشهرتك عم تزيد والأضواء كلها رح تكون عليك من الأسبوع الجاية

القوس♐️

الموضوع يلي صرلو فترة شاغلك وماعم تقدر تعمل شي كرمالو اليوم رح ينحل لتقدر تركز بقصصك أكتر

الجدي♑

أخبار حلوة بتخص شغلك اليوم عم تسمعا المسا وأكيد رح تفرحك كتير مو شوي بس ما تخبر عنها حدا يا كبير

الدلو♒

البعض منكن عم ينشغل بسفر لبلد قريب كرمال شغلو والمرا هي السفر رح يكون كتير طويل بس لصالحك اكيد

الحوت♓

أمورك العاطفية من اليوم رح تتحسن بالوقت الصح وأكيد انت بحاجة لهيك شي بهاد الوقت