صرحت شمس الاغنية البنانية الفنانة نجوى كرم لبرنامج the insider بالعربي مع الاعلامي ايلي نخله وذلك على هامش حفلها الذي تكلل بالنجاح وحمل شعار كامل العدد في أبو ظبي، وبعد صدور كوفر ألبومها الغنائي الجديد الذي حمل عنوان كاريزما وصدور ايضاً اغنيتها الجديدة شغل الموسيقى.
وسألها الاعلامي ايلي نخله عن خوفها من ردة فعل الجمهور قبل صدور بوستر البوم كاريزما؟
وقالت شمس الاغنية اللبنانية نجوى:” ما كنت خايفة من ردة الفعل وانا كنت عم قول قبل ما نزل حتى الصورة والكليب والاغنية انه كل شي انا مش راضية عنه هالفترة من كما كنت اعمل بكل مسيرتي الفنية ما قبل كورونا ما راح اقدر نزله وما راح انزل على السوق”.
وتابعت:” انا الحمدالله بفضل الله واجتهادي قدرت حس انه في شي لازم يصير مستقبلي مش بس على صعيد اليوم عم نفكر بكل شي معاصرة بالطلة الشكل الاغاني التوزيع الاطلالة كل شي”.
وعن التعاون مع مصممة الازياء العالمية Iris van herpen
قالت نجوى:” المخرج دان حداد كان عم يعتمد يفوت بشي خيالي والستايلست الي هو avo كثير بلبي اول ما بتقله في شي خيالي بطير دغري وببلش يعملك مجموعة فساتين فعلا اسطورة”.
وعن أغنية شغل الموسيقى التي طرحتها على طريقة الفيديو كليب”
اجابت شمس الاغنية اللبنانية نجوى كرم :” الحمدالله الاغنية كلحن وكلمات عامر لوند وعلي حسون ابدعوا فيها من كلام من توزيع من لحن من كل شي”.
وتابعت :” كثير مفاجئات جايين فيه بلشنا بالكليب وبعدين كل شوي حيكون عنا سياسة معينة ما راح اقدر اكشفها لانها مفاجئة بس الي بقدر قوله اني كنت عاملة عهد على نفسي اذا ما راح يكون فيه روح هالالبوم عنجد ما راح نزل”.
وعن سبب رش الملح بالكليب، قالت :” الملح شي ايجابي مش بقولو انتم ملح الارض؟ فاذا فسد الملح فاي شيء يملحه كمان بنفس الشي نحنا منعتبره خير وبركة وكل شي postive”.
اما عن صدور اغنية بتقنية الذكاء الاصطناعي قدمت فيها اريانا غراندي اغنية نجوى كرم ” عيني بعينك “؟
فقالت نجوى كرم :”بدو يأثر على كثير اشياء تاثير ايجابي جدا و لكنه سيف ذو حدين لانه التكنولوجيا حتفوت على مطارح نحنا ما منتمناها وحتقولنا اشياء نحنا مش قايلينها او نغني اشياء مش مغنيينها بس انا بتمنى يضل في مشاعر بشرية خوفي من الذكاء الاصطناعي يدمر القلب البشري”.