طرح الفنان المصري علي لوكا أولى أغاني ألبومه الجديد “جربيني” على اليوتيوب، وعلى المنصات الرقمية، ومحطات الراديو، والأغنية من كلمات والحان علي لوكا وتوزيع اسامة طارق اوزي
اغنية “جربيني” تم تصويرها بمنطقة منتزه الأردن السياحي البيئي وهي محمية طبيعية تقع في شمال الأردن وتم تصوير الكليب على مدار يومين من إخراج ميا المهدي.
وتقول كلمات الاغنية
فى دماغى افكار
عن بكره و بعده فى دنيا
و مين اختار
يتعب و يسيب العقل ف حيره
و كنا صغار
و عيونا بتحكى احلام و كبيره
و قالوا فى يوم
هيكون قدامه السكه طويله
و انا بقيت زى ما عوزت اكون
مركزتش فى مين بيقول
مهما ان ضاقت اكيد هتهون
مسلمتش ل ليل بيطول
يا دنيا دورى بينا و خبطى
مش مستنيكى تطبطبى
مشغول بأحلامى انا مش فاضى
خلينى انساها ان تقدرى
جربينى يا دنيا لو بتعاندى
جربينى بس ابقى اسألى عنى
جربينى يا دنيا بو بتعاندى
جربينى بس ابقى اسألى عنى
ياما كتير اتقال
الوان و اشكال
ولا كت فرقالى لا مين بيقول
ولا ايه اتقال
دايماً شغال
بس كان عالبال
الدنيا بينا تدور
و فى ليله و يوم من حال لأحوال
كله اتغير شوف القدر
نجم فى السما و كله بينظر
عيون كتير محتاج نظام
مفيش حدود لطموح مفيش هزار
ولا بخسر ولا ادمع
لا مبنساش بسكت و بجمع
هنا الماظ فا تشوفنى انا بلمع
صعب تشوفنى فى يوم ورا برجع
زى الطير اطير و اعدى حدود
شخص متبرمج ارفض المفروض
لو ١٠٠ سؤال بتلاقى عندى ردود
متأقلم القى الكتز فى الموجود
راضى بالمكتوب بس
دايماً بشقى و بسعى
دايماً بوعد نفسى
ان انا هبقى و ببقى
و جربينى يا دنيا لو بتعاندى
جربينى بس ابقى اسألى عنى
جربينى يا دنيا يا لو بتعاندى
جربينى بس ابقى اسألى عنى
يذكر ان علي لوكا قد حقق نجاحًا كبيرًا بأغنية «متخافيش ياما» وحققت نسبة مشاهدة على منصة تيك توك الشهيرة وصلت لأكثر من ٥ مليار مشاهدة وتخطت الاغنية اكثر من ١١٥ مليون مشاهدة على يوتيوب، كما اختارته إحدى المنصات العالمية ضمن حملتها الإعلانية ووضعت صورته في ميدان تايمز سكوير في نيويورك ضمن حملة الدعاية الخاصة بالتطبيق ليكون المطرب العربى الثالث التي توضع صورته في ميدان تايمز سكوير.