كشفت الإعلامية دعاء فاروق عن رأيها في مسلسل ” أزمة منتصف العمر” الذي يتم عرضه الإن على إحدى المنصات الأفلام الإلكترونية، والذي تعرضت لانتقادات قوية خلال الفترة الماضية.
وأعربت دعاء فاروق عبد موقع التواصل الاجتماعي ” فيسبوك” عن استيائها من الأحداث والشخصيات، قائلة:” طيب يا جماعة حد مستني النهاية في سواد منتصف النيلة المستنقع اللي بنتابعه، انا بالنسبة لي وبالاصألة عن نفسي كده جاب الناهية خلاص، فاضل تلات حلقات او حتي عشرة دى كلها شكليات المسلسلخلصوالستايرالسودانزلتموتتوا بصيص الفرحة الوحيد و قتلتوا سرسوب أي أمل كنا مستنيينه يظهر”.
وأضافت:” حد يفكرني كده هو كريم فهمي كان زعلان إن الناس متضايقة من الاحداث الكحلي اللي بتحصل وبيقول علينا لمؤاخدة لجان، ألا هو أنت يا كريم كنت عاوزنا نتابع المسلسل ونفرح؟؟؟ هل كنت مستني الناس تتبسط بالأحداث مثلا ؟؟؟ لا بص يا كريم غالبا حصل عندك لبس في الموضوع انت المفروض تتبسط اننا بنتابع وتفرح أننا بنتفرج وكفي وده قمة النجاح اللي يلزم أبطال العمل إن المسلسل متشاف وشكرا تمثيلكم كلكم رائع وشكرا”.
وتابعت الإعلامية دعاء فاروق: ” ومحدش قال أنكم مش بتمثلوا هايل كلكم بتلعبوا في الاهلي يا سيدى، وبعد الحلقة الاتناشر اللي بليتونا بيها انت وريهام ورنا رئيس ورشدى المهدى وعمر السعيد تقدروا تحترفوا في ليفربوول بجدارة، إنما مفهمتش هل انت كنت عاوز الناس تشكر في الأفعال غير المبررة اللي بتعملها الشخصيات الحزينة دى ؟؟؟ منين جبتوا الثقة دى مفهمتش حتي لو موجودة في الدنيا حد قالك ان احنا بنسقف لهم ؟؟!!!”.
وطرحت الإعلامية مثال: ” حد اتبسط مثلا لما البنت بتاعت بورسعيد قتلت أمها بالاشتراك مع صاحبها ؟!!! حد كان فرح لما الواد قتل نيرة اشرف ؟؟؟ ماحنا عارفين والله العظيم ان المجتمع فيه أمراض نفسية وأفعال كتير غير مبررة والدراما ممكن تنقل ده بس لما نتفرج علي الأفعال المريضة اللي وراها أمراض نفسية متلتلة لازم الناس تستنكر وتضايق وتكتب وترفض وتشجب وتنتصر للافعال السوية وللناس الاسوياء كريم اتضايق جدا ان بعض الناس قالوا ان فيه زنا محارم وهم لسه مشافوش المسلسل لآخره طيب احنا اسفين يا كريم طلع زنا بس المفروض الناس تسقف يعني للعلاقة غير السوية اللي بين فيروز وعمر ؟!!!! “.