اختتم مهرجان القاهرة السينمائي الدولي، فعالياته الأحد الماضي، بعد دورة كانت مليئة بالأحداث، وخلال حفل الختام شهد الجمهور كثير من الاشخاص المتواجدين.
وهاجم الفنان المصري الكبير حسن يوسف مهرجان القاهرة السينمائي الدولي، بعد انتهاء فعالياته وقال: “حقيقي مش فاهم محدش بيعزمني من مهرجان القاهرة خالص، رغم إننا بنشوف ناس مش معروفة على الريد كاربت”.
وتابع حسن يوسف: “الأمر ده مثير للدهشة جدا، والسؤال ده محتاج يتسئل لإدارة المهرجان، ده حتى مش بيدعوني كمتفرج، مش لازم يكرموني، حتى متفرج مبيحصلش، رغم إنهم لو دعوني هرحب جدا، زى ما عملت مهرجانات خارج مصر، وروحت ورحبت بالأمر، وحضرت الأفلام”.
وأكد الفنان حسن يوسف أنه لم يتابع فعاليات المهرجان هذا العام، قائلا: “ما دام هما مش مهتمين، أنا كمان مش ههتم ومش هعطيهم من خبرتي، وعايز أقولهم ربنا يوفقكم بقي”.
وأعرب الفنان حسن يوسف عن امتنانه لجمهوره، الذين يدافعون عنه دائما، ويتساءلون عن عدم وجوده فى مثل هذه المهرجانات، قائلا: “كتر خير الناس والله اللى بتسأل عني”.