حرص الفنان حسن يوسف، على كشف السر وراء امتناعه عن المشاركة في مسلسلات رمضان 2023.
حيث أكد الفنان حسن يوسف قائلا: “لا أشاهد المسلسلات في رمضان فقط أرى المصحف لأن هذا الشهر الكريم هو الحصالة اللى يحوش فيها المسلم أعماله الصالحة علشان لما يقابل ربنا بعد عمر طويل يبقى معاه رصيد”.
وأضاف حسن يوسف في تصريحات تليفزيونية قائلا: “لو مش هنحوش رصيد في شهر رمضان اللى بيجي مرة في السنة المسلم هيحوشه امتى؟”.
وتابع حسن يوسف:”شهر رمضان لقراءة القراَن ونحاول نختمه مرة أو اتنين أو تلاتة، ونزود من الصلوات والنوافل والتسبيح والذكر، وهو الشهر ده معمول لكده مش لمشاهدة المسلسلات”.
وأشار حسن يوسف:”كان ليا مسلسل اسمه بيت السيدة، ولكن تم تأجيله وبالتالي خرج من السباق الرمضاني، وكان المفروض نصوره علشان
رمضان، وبيت السيدة أنا اعتبرته بيتنا لإني قعدت في السيدة زينب 20 سنة فكل القيم والأخلاق والعادات موجودة في الأحياء الشعبية.
ولفت: كان مسلسل عزيز عليا، ولكن تم تأجيل تصويره وكان المفروض أنه معمول على أنه له علاقة بشهر رمضان ودلوقتي جعلوه مسلسل اجتماعي وسيتم البدء في تصويره لما بعد العيد”.
واختتم:”أنا مش واخد موقف من دراما رمضان، واتعودنا نقدم دراما في الشهر الكريم من أيام مسلسل لا إله إلا الله، بس أنا بقول مننشغلش بهذا عن حقيقة شهر رمضان”.