ما سبب خلاف حمو بيكا مع حسن شاكوش وعمر كمال!


شن مطرب المهرجانات المصري حمو بيكا هجوما حادا على زملائه حسن شاكوش وعمر كمال خلال أيام قليلة، بسبب الخلاف على أرباح الأغاني المشتركة بينهم، حيث وصفهما بالصحاب المزيفة ونشر فيديوهات يكشف بها عن خلافاته معهما عبر حساباته بمواقع التواصل الاجتماعي.

اشتعل الخلاف بين فنّانَي المهرجانات المصريين حمو بيكا وعمر كمال حيث نشر الأول على حسابه الخاص في “فيسبوك” صورة للأخير مع إشارة الشطب أو x حمراء كبيرة، وأرفقها بالتعليق: “يا ريت محدش يكلمني في شغل على الشخصية دي، عشان أنا كنت بحبها والشخصية دي بتتهرب من شغلي اللي خلاني اتفق عليه والاثبات بعد الصورة دي هنزل فيديو”، مضيفاً: “هو عامل بيحبني وهو بيكرهني. مع السلامة يا صحاب مزيفة”.

ورد عمر كمال من خلال بث مباشر على حسابه في الموقع نفسه حيث قال: “أنا تحملت كثير جداً إهانات بعض الناس، لكن أنا ممكن أطلع أقولك يا أبو كرش لكن كل دي إهانات أنا ماليش فيها”.

وأضاف: “أنا أول أغنية أتربح من خلالها كانت من خلال أغنية انتي معلمة وكل الأغاني اللي قبل كده كنت بديها لحمو بيكا عشان يرفعها من خلال قناته ويكسب منها بما فيها أغاني كانت من إنتاجي أنا. والله مكنتش باخد فلوسهم لأني بكسب من زمان وسيبتك تاكل عيش”.

واختتم بالقول: “الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح مع بعض. اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذني.

وأنا اتحرجت أرفض قدام الراجل، بس أنا مش عايز اعمل مهرجان لفستان فرح، أنا عايز اعمل فن كويس زي بنت الجيران وعود البطل وكل مهرجاناتي.

وحتى بعد الاتفاق مدفعش ليا عربون ولا سألني تاخد كام على عكس ما بعمل معاه في أي فرح حد بيطلبه فيه. عيب تقول عليا إني صحبة مزيفة، أنا عمري ما كسبت من وراك، أنا سيبتلك 12 تراك كلت من وراهم الشهد. حتى العربية بتاعتك أنا اتصدرت أنا ومدير أعمالي عند المعرض عشان يقسطهالك وضمنتك في مليون و800 ألف جنيه، ولو كنت لوحدك مكنش حد هيديك عربية”.

أما عن هجوم بيكا على حسن شاكوش فكان بشكل غير مباشر، وظهر فى فيديو له منذ أيام، عبر حسابه على موقع “إنستجرام” وهو يهاجمه دون ذكر اسمه، لافتًا إلى أن هذا المطرب يدعى أن أغانيه كانت الأكثر بحثاً على جوجل خلال عام 2020، حيث وصفه بيكا بالأنانية الشديدة، وأن تصريحاته لا تتفق مع الواقع، وأكد “بيكا”، خلال الفيديو أن أكثر 5 أغانى بحثاً على جوجل طيلة العام كانت له هو بواقع أغنيتين والباقى لـ عمر كمال.

كما قال بيكا خلال الفيديو: “لما تطلع تتكلم، تحدد النجاح مين اللى عمله معاك، إنت مبينتش نفسك بنفسك، وأنت ظاهر أمام الشعب المصرى إنك أنانى مبتحبش غير نفسك، وحابب إن انت تصنع النجومية لنفسك وبس، فكك من اللى انت بتعمله وخليك محترم وكويس”.

وأضاف “اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط، عايز تحقق نجاحك انت بس، فرجني يا فهلوي يا حلو واعمل كام تراك لوحدك”.

https://www.instagram.com/tv/CIt5pBMAEpm/?utm_source=ig_embed