انتقد الشاعر أمير طعيمة انضمام مجموعة من صانعي المهرجانات الشعبية ومن ضمنهم مطرب المهرجانات حمو بيكا، إلى شركة روتانا للإنتاج والتوزيع الفني.
وكتب طعيمة في تغريدة عبر حسابه على Twitter قائلا: “شيء محزن أن اللوغو اللي اتحط على أعمال عظماء يبقى محطوط على النوع ده من الأعمال، أصدقائي المسؤولين في روتانا واللي هيزعلوا مني، مع الأيام هتعرفوا أنها نصيحة مخلصة وأنكم بتسيئوا لتاريخكم، فيه فرق بين شركة كبيرة وبين سوبر ماركت يعرض سلعة رخيصة حتي لو عليها طلب”.
أعاد سعيد إمام مدير شركة روتانا بالقاهرة، نشر تغريدة طعيمة عبر حسابه على facebook، وكتب معلقًا عليها: “خلينا نتكلم بموضوعية سلبيات وإيجابيات، المهرجانات أغلب الناس بتسمعها ومحدش ينكر دا وناجحة من 8 سنين، من غير ما يكون في جهة واحدة تساعد على انتشارها ولا تراقب على نوعية الموضوعات والمفردات لو دلوقتي عملنا دا وقننا الكلام ووجهنا الموضوعات اللي بيغنوها يبقى عيب أنا مختلف مع صديقي أمير وعشرة العمر وواحد أنا كمدير روتانا بعتبره من الأعمدة الاساسية اللي اعتمدت عليها لعمل محتوى الشركة لكن ننظر لإيجابية الموضوع أنا رفضت أي لفظ أو موضوع يكون في إساءة في أي أغنية ليهم تحت شعار الشركة مش دا كان مطلب من الكل ولا إيه”.
على جانب آخر دار حوار بين أمير طعيمة وسعيد إمام في التعليقات حول انضمام بيكا إلى روتانا، عبر كل منهما فيه عن وجهة نظره في هذا الانضمام.
