ودّعت الإعلاميّة حليمة طبيعة مشاهدي “الجديد”، بعدما قدّمت آخر نشرة أخبار لها عبر القناة.
وقالت طبيعة: “في الختام مشاهدينا كان هيدا الختام، وكانت هيدي آخر إطلالة الى على شاشة الجديد، وآخر نشرة إخباريّة بقدمها”.
وأضافت: “دخلت المؤسسة كطالبة متدربة بالـ2011 وكبر الحلم، ورجعت بالـ2015 مراسلة، واليوم بالـ2025 أغادر الجديد كصحافية تدرجت فيها على سلم الصحافة خطوة بخطوة”.
وتابعت: “ما بنسى تجارب كل زميلة وزميل سبقوني وغادروا أو بعدن مكملين، علموني وساعدوني ودعموني ووقفوا حدّي، بشكر الإدارة على ثقتها ومنحي فرصة مهنيّة اجتهدت فيها لكون على دقّة الخبر”.
وقالت حليمة بتأثر: “بشكر جميع العاملين بالمحطة والمصوّرين والفنيين والتقنيين يلي لولاهم ما بتشوفوا هيدي الصورة بحرافية”.
وأضافت: “اليوم لا، المشهد مش مبكي هنا، بس المشهد أكيد فيه غصّة، بتمنى كون تركت أثر طيّب عندكن وعند زملائي وجميع العاملين بالجديد، وكون قدرت بهيدي السنين قدّم رسالتي بموضوعية ومهنية”.