رد النجم المصري محمد رمضان على سؤال الإعلامي ايلي نخله خلال لقاءه في ET بالعربي حول ما إذا يعتبر انه فيلم أسد سيشكل عودة له للمنافسة السينمائية
فقال رمضان : كل مرحلة ليها ظروفها و كل فيلم أنا عملته في وقته كان مهم وما ينفعش أعمل غيره
واضاف:” ما ينفعش أسد كان أعمله أيام ” عبده موتة ” و بسببه صناع الدراما تهافتوا عليّ عشان ينتجولي ” إبن حلال ” و ” الأسطورة ” لأنهم لمسوا حاجة
واستكمل:” كل مشروع بكبر و بنضج وأنا اليوم ٣٧ سنة فما ينفعش أعمل أفلام صغيرة لأن أصبحت أنا مش طايش”.
شاهد الفيديو عبر الرابط
https://www.instagram.com/reel/DQUbKvEDF53/?igsh=MXpuMTVwbnJ6eG11
وتحدث محمد رمضان مع الإعلامي ايلي نخله في اي تي بالعربي عن دعم يسرا له في حفل إطلاق التريلر الخاص في فيلم ” أسد ” بحفل أقيم على هامش مهرجان الجونة السينمائي
قال رمضان : مهم جداً وجودها لأن يسرا يعني مش عايز أقول رفيقة رحلة لأن هي بدأت قبلي بكثير و لكن أنا رحلتي بدأت مع يسرا
واضاف:” من مشاريعي اللي في الأول خالص ” في أيد أمينة ” وهي اللي رشحتني ل يسري نصرالله و وحيد حامد على فيلم ” إحكي يا شهرزاد ” اللي هو بدايتي في السنيما و اللي اخدت عليه جائزة أفضل ممثل في مهرجان الإسكندرية و عطى ثقة للسوق أنه ده ممثل كويس”.
واكلم:” يسرا ساهمت في صناعة إسم محمد رمضان أو من ضمن اللي ساهموا هي و عمر الشريف و سعيد صالح و حنان ترك ، كل الناس دي أصحاب فضل عليّ كثير”.