طرح المطربان تامر حسني، ورامي صبري أحدث فيديو كليب غنائي يجمعهما بعنوان “فعلا مبيتنسيش”.
ونشر تامر حسني مقطع من الفيديو كليب، عبر حسابه الرسمي بموقع “انستجرام”، وكتب: “كليب فعلًا مبيتنسيش تامر حسني و رامي صبري الآن على يوتيوب وجميع منصات الأستماع”.
فيديو كليب “فعلا مبيتنسيش”، كلمات عمرو تيّام، ألحان شادي حسن، توزيع مكس وماستر طارق توكّل، وتريات تامر غنيم، جيتار أحمد حسين.
وتقول كلمات الاغنية
كان عقلي فين مني زمان أنا جيت أوي عليه
قفلت أنا كل البيبان بينا بعمايلي فيه
فرطت فيه بإيديا أنا أذيته طول السنين
و جالي قلب ازاي كده والقسوه جاتلي منين
ضميري مش مرتاح عشان ضيعته بأيديا
أناني كنت و هو كان باقي عليا
انا اللي 1000 مرة خان و لا عاب في يوم فيا
فعلاً مابيتنسيش
و حاولت أتعايش بفشل واقفه حياتي و مش بعيش
و بكابر عامل قادر
و إن فراقه مهزنيش و أنا تايه في الحياه
وقفت بيا خلاص الحياه ومشوفتش بعده خير
كان همي أبان للناس تمام و أنا فالنفس الأخير
إحساسي بذنبه مارحش يوم و مفيش سكه لرجوع
على نفسي كتير بعتب و ألوم على ظلمي ليه موجوع
في غيري دلوقتي معاه و بقيت انا ماضي
و جرحه حد أكيد داواه وزمانه عاش عادي
انا إتجاحدت كتير معاه وهو كان راضي
وأحيا الفنان تامر حسني مؤخرًا حفلًا غنائيًا في دبي، وشاركته الحفل النجمة اللبنانية نانسي عجرم ضمن احتفالات العام الجديد.
يذكر أن، تامر حسني ينتظر عرض فيلمه الجديد “ري ستارت” والمقرر طرحه بدور العرض السينمائي خلال الفترة المقبلة.