احتفل المطرب حمزة نمرة عبر حسابه على موقع تبادل الفيديوهات والصور «إنستجرام» مع جمهوره بتحقيق كليب «داري يا قلبي» 400 مليون مشاهدة عبر قناته على اليوتيوب.
وأعاد حمزة نمرة نشر الأغنية، وعلق عليها قائلًا: «داري يا قلبي كسرت حاجز الـ400 مليون مشاهدة على اليوتيوب، مليون شكراً ليكم».
كليب «داري يا قلبي» لاقى نجاحا كبيرا منذ طرحة وحقق أعلى نسبة مشاهدة عبر اليوتيوب وما زال حتى الآن يحصد في نسب المشاهدات، وصرح نمرة وقت طرح أن التحضير الأغنية استغرق أكثر من 3 أيام ليصل شكلها النهائي الذي عُرض للجمهور.
وتقول كلمات الاغنية
مالك مش باين ليه؟
قلبك تايه من مدة كبيرة
خايف تتكلم ليه … في عيونك حيرة وحكاوي كتيرة
متغير ياما عن زمان … قافل علي قلبك البيبان
حبيت وفارقت كم مكان …عايش جواك
احساسك كل يوم يقل … وتخطي وخطوتك تذل
من كتر ما أحبطوك تمل … فين تلقى دواك
بتودع حلم كل يوم … تستفرد بيك الهموم
وكله كوم والغربة كوم … والجرح كبير
مابتديش حاجة اهتمام … أهلاً أهلاً … سلام سلام
بقى طبعك قِلة الكلام … ومافيش تفسير
داري داري … يا قلبي مهما تداري
قصاد الناس … حزننا مكشوف
وأهو عادي عادي … ماحدش في الدنيا دي بيتعلق بشيء إلا و فُراقه يشوف
كل اللي معاك في الصورة غاب … وطنك والأهل والصحاب
كم واحد ودع وساب … من غير أسباب
شايف في عينيك نظرة حنين … بتحن لمين ولا مين
طول عمرها ماشية السنين … والناس ركاب
مع دقة عقرب الساعات … بتموت جوانا ذكريات
عشمنا قلوبنا باللي فات … ونسينا نعيش
كان مكتوب نمشي الطريق … و نفارق كل مدى شيء
اتسرق العمر بالبطيء … ورسي على مافيش
وداري داري … يا قلبي مهما تداري
قصاد الناس … حزننا مكشوف
وأهو عادي عادي … ماحدش في الدنيا دي بيتعلق بشيء إلا و فُراقه يشوف