كشف الفنان حمادة هلال عن تعرضه لإصابة أثناء تصوير الجزء الرابع من مسلسل “المداح” وحمل اسم “المداح – أسطورة العودة”.
وقال حمادة هلال خلال لقائه في برنامج “الحكاية” مع عمرو أديب: “أنا مكنتش حاسس بالإصابة كنت بصور طول الوقت ومش حاسس النشاط أعلى، إحنا خلصنا تقريبا يوم 26 رمضان، أنا كنت بتشعلق بالواير واترفع واتخبط في الحيطة والأرض”.
وتابع حمادة هلال: “اكتشفت يوم 27 إني عندي ديسك لكن الحمد لله دلوقتي أحسن”.
وكشف حمادة هلال خلال الحلقة عن قصة انضمام ابنه يوسف لمسلسل “المداح 4″، وقال “كنت عمال أسأل استاذ أحمد مين يعمل الدور ده أتاري يوسف قرأ الورق من ورايا ولقى دور داود وقالي إنه عايزه قلتله يا حبيبي مينفعش”.
وأضاف حمادة هلال: “لقيته عمال يعيط في أوضته، قلتله خلاص اهدى أنا هقول لأستاذ أحمد سمير فرج المخرج يشوفك لو وافق هنشتغل لو موافقش خلاص. قالي موافق. والأستاذ أحمد قالي تمام”.
ومسلسل “المداح: أسطورة العودة” بطولة حمادة هلال، فتحي عبد الوهاب، هبة مجدي، ودنيا عبد العزيز، وخالد سرحان، ومحمد عز، وحنان سليمان، وتامر شلتوت، وصبحي خليل، مع ظهور خاص لبعض النجوم مثل سهر الصايغ، ومي سليم، ودياب، وحمزة العيلي، والمسلسل تأليف أمين جمال، وليد أبو المجد، شريف يسري، وإخراج أحمد سمير فرج، وإنتاج سيدرز آرت برودكشن (صباح إخوان)، ومنتج منفذ شركة أجورا ميديا للإنتاج.