هاجم مطرب المهرجانات حسن شاكوش مستخدمي تيك توك للحصول على مال، وذلك بعدما تسبب هذا الأمر في تشويه صورة المصريين بالخارج على حد قوله.
وقال حسن شاكوش خلال بث مباشر عبر حسابه الشخصي بتطبيق التيك توك: إنتم زودتوها أوي وخليتوا اللي ما يشتري يتفرج، خليتونا شكلنا برا وحش واتفضخنا وبيقولوا قاعدين بيشحتوا على التيك توك، خليتونا ولا لينا شكل ولا منظر ولا أي حاجة في المجتمع.
وتابع شاكوش في تصريحات: للأسف بقى في شباب وبنات يدخلوا معاهم في لايف عيال شواذ، والتيك توك بدء يبقى فيه عيال أشكال وألوان كتير جدًا للأسف، ومن مصر، وبيقولوا ألفاظ عمري ما سمعتها في حياتي، وعندنا بنات وسيدات محترمة مينفعش تسمع الكلام ده وللأسف واخدين الموضوع بهزار وضحك.
من جانبه، طرح حسن شاكوش كليب أغنية كلك غرام بالتعاون مع مطرب المهرجانات الشعبية حمو بيكا، من كلمات اسلام المصري وتوزيع اسلام ساسو، وحققت نجاحات كبيرة ومشاهدات كثيرة بعد طرحها عبر موقع الفيديوهات الشهير يوتيوب.