بمناسبة الاحتفال بيوم الحب في 14 فبراير، طرحت الفنانة مي كساب عن أغنيتها الجديدة “بيقولوا قوية”، عبر قناتها الرسمية في اليوتيوب.
الأغنية من كلمات طارق علي، وألحان وتوزيع إسلام رفعت. اضغط من هنا للمشاهدة
وتقول كلمات الاغنية
بيقولوا قوية وقادرة أعيش ف الدنيا واحارب
بيقولوا يا بختى واجهت ظروف قوّتني تجارب
بس الصورة الحقيقية
اللي ماحدش بيشوفها
إن انا غرقانة ف بحر كبير مافيهوش ولا قارب
واللي انتوا بتحكوا عليها خلاص الهم كسرها
وحياتها بقت واصلة لدرجة ممكن تخسرها
وكإن الحزن ف وسط الناس نشن واختارها
أيوا انا من بره يبان وكإني قوية عنيدة
بس من جوة حقيقتي ان انا مهزومة وحيدة
والواحدة ساعات بتخبي حاجات علشان منظرها
بيغر الشكل ساعات بس المرايات مكسورة
والناس بتشوف من برة يدوب جزء من الصورة
دا كتير الواحدة بتبقى
من جوة الحزن قاتلها
والناس تسألها ترد تقول عايشة ومستورة
واللي انتوا بتحكوا عليها خلاص الهم كسرها
وحياتها بقت واصلة لدرجة ممكن تخسرها
وكإن الحزن ف وسط الناس نشن واختارها
أيوا انا من برة يبان وكإني قوية عنيدة
بس من جوة حقيقتي ان انا مهزومة وحيدة
والواحدة ساعات بتخبي حاجات علشان منظرها
هذه الأغنية تمثّل عودتها إلى الساحة الغنائية بأغنية درامية، بعد فترة من التفرغ للتمثيل وتقديم بعض الأغاني الشعبية.
قدمت مي كساب مقطعًا تشويقيًا للأغنية عبر حسابها الرسمي على موقع “إنستغرام”، حيث ظهرت بإطلالة مميزة مرتدية فستانًا أحمر اللون مناسبًا لهذه المناسبة الرومانسية، وقد لفتت الأنظار بمكياج جريء تميزت فيه بتقسيم وجهها بطريقة مبتكرة.
تعليق مي كساب على البرومو كان واضحًا، حيث أشارت إلى أن الأغنية من كلمات طارق علي، وألحان وتوزيع إسلام رفعت.
يأتي هذا الطرح في وقت تواصل فيه مي كساب تصوير مشاهدها في مسلسل “العتاولة”، المقرر عرضه في شهر رمضان لهذا العام. المسلسل يعد واحدًا من الأعمال المنتظرة بفارغ الصبر، حيث يتناول قضايا اجتماعية معقدة ويشهد تنافسًا قويًا بين نجوم الدراما المصرية.