حظك ليوم الأحد 16 أبريل مع خبير الطاقة والابراج مانو
الحمل♈
أغلب وقتك ممكن يكون بالسوق اليوم لتجيب الغراض المهمة لشغلك والطلب يلي رح ينطلب منك بشغلك صعب بس أنت قادر تعملو
الثور♉
يوم عم يكون مناسب لتحل في كل مشاكلك العاطفية صغيرة كانت أو كبيرة بس الشرط أنو ما حدا يتدخل فيك
الجوزاء♊
مزاجك الصعب يلي عم تكون مميز في هالفترة عم يتغير للأحسن مع التحسن المادي و المهني يلي رح يكون مرافقك
السرطان♋
مشاكلك يلي عم تكون صغيرة أنت فيك تحلا لحالك بس مو عطول عم يكون ألك خلق للشي هاد لهيك بدك تشد همتك شوي حتى بالنسبة لدراستك
الاسد♌️
أنت الوحيد يلي قادر تكسر الملل يلي كنت عم تعاني منو بدون ما تستنا من حدا شي وفي مصاري عم توصلك اليوم حضر حالك
العذراء♍️
أغلب وقتك عم تقضي نايم من تعب مبارح واليوم عل أخبار الحلوة يلي بتخص شغلك وأهلك بتنسا كل تعبك
الميزان♎️
عم تطمن عن حدا غالي عليك من فترة كان تعبان وحالياً بلش وضعو يتحسن أكتر من قبل وفي حدا عم يزورك بالبيت اليوم أو بكرا
العقرب♏️
يلي عم ينقل لبيت جديد أو عم يصلح شي عندو بالبيت وبخص الكهربا كمان بس كل هالقصص مارح تنزع مزاجو الحمدالله
القوس♐️
ثقتك بحالك كتير مهمة هالفترة وكتير رح نتفعك إذا مو هلا بعدين اكيد لهيك لازم تعرف كيف تستفاد من هاد الموضوع
الجدي♑
هاد الوقت يلي أنت عم تمر في أغلبو عم يكون قرارات كتير مهمة عاطفياً وحتى مهنياً بالنسبة ألك لهيك لازم ترد على احساسك بس وما تخلي حدا يشوش عليك
الدلو♒
العناد يلي عم تكون مميز في هالفترة هو يلي رح يوصلك لكلشي بدك يا بس أكيد كلشي لازم يكون إلو حدود عندك
الحوت♓
من اليوم بلشت ترجع تتنشط وكل أمورك عم ترجع لتمشي متل ما أنت بدك خصوصاً بشغلك وحضر حالك للتحسن المادي