علقت الفنانة رانيا يوسف على تصريحات طليقها المنتج محمد مختار عن حزنه بعد ظهور ابنتهما بفستان البطانة الشهير، خلال حفل ختام الدورة الرابعة من مهرجان الجونة السينمائي قبل عامين.
وكتبت رانيا يوسف تعليقا على فيديو من لقاء محمد مختار في برنامج “حبر سري” مع الإعلامية أسماء إبراهيم: وانت كنت فين طول الـ13 سنة اللي فاتوا في حياة بناتك كنت برضه زعلان ونعم الأب.
وتابعت: ولما المدام مراتك كانت بتتباس وتقلع في الأفلام وعلى طول بالبيبي دول مكنتش بتزعل مش دي برضه المفروض أنها شرفك وعرضك ولا عشان كنت مستفيد؟
كما علقت رانيا يوسف على فيديو محمد مختار وهو يعرض بعض الأوراق والمستندات ويؤكد أنه يدفع كل شهر مصاريف بناته قائله: الآفات لطيف أن الواحد يكذب ويصدق نفسه طول عمرك ممثل فاشل واللي بعتاك تقول الكلام ده أفشل منك، الحقيقة أنا مقامي أكبر من الواحد يرد على واحد زيك.
وكان محمد مختار أبدى انزعاجه من ظهور ابنته بفستان والدتها الذي أثار جدلا كبيرا وقال خلال الجزء الثاني من لقائه في برنامج “حبر سري”: “زعلت جدا من ظهورها بالفستان، ومقدرتش أعمل حاجة، الأب حاليا هو الفلوس بيصرف وبس من غير ما يفتح بقه”.
وأضاف: “القوانين كلها بقت مع المرأة مبروك عليهم، والأب ملوش حق لا في حضانة ولا في مدرسة، وخايف الجواز يقل مع القوانين القادمة من مجلس الشعب”.
وتابع: “مكنتش أتمنى إن بناتي تسافر في سن صغير، بقالهم 5 سنين برا مصر، لكن أعتقد إن بنتي الكبيرة عاقلة، والصغيرة هي الشقية”.