حظك ليوم الجمعة 7 أبريل مع خبير الابراج والطاقة مانو
الحمل♈
مو كتير رايق اليوم من وجع راسك بس عم تطنش الموضوع وتكمل نهارك لأن في أخبار حلوة بتخص شغلك وأمورك العاطفية عم توصلك وهي يلي رح تنسيك وجعك
الثور♉
أغلب المواعيد يلي عم تنشغل فيها اليوم مانك مخطط ألها لهيك مصدوم بالشغل هاد بس أكيد كل هاد التعب لصالحك بالنهاية
الجوزاء♊
المنام يلي عم تشوفو اليوم هو يلي رح يخليك تتفائل وتبلش تفكر صح بشغلك كمان لهيك حضر حالك لضغط الشغل
السرطان♋
بلشت تضوج. من الروتين الممل يلي عم تعيش في كل يوم وصار لازم تغير شي لو بشغلك كرمال ترتاح نفسيتك وهاد يلي رح يصير اليوم
الاسد♌️
علاقتك كتير عم تكون قوية هاليومين مع فنان مشهور بساعدك لتكبر شغلك وتطور في أكتر كمان
والبعض منكن صار لازم يرجع يركز على دراستو
العذراء♍️
كل مشاكلك اليوم عم تنحل بدون ما يوجعك راسك كتير أو حتى تحس بتعب وفي عندك عزيمة اليوم
الميزان♎
كتر العالم يلي بتحبن حواليك و وقفتن حدك هالشي مفرحك كتير مو شوي وعم تنشغل بنقلة عبيت جديد كمان
العقرب♏
رغم التعب العام يلي أنت عم تشكي منو ونفسيتك يلي مو كتير تمام كل الأمور يلي أنت عم تفكر فيها وشاغلتك رح تمشي متل ما أنت بدك وأحسن
القوس♐️
عنادك اليوم هو يلي رح يمشي كل أمورك وأكيد عم توصل لكلشي بدك يا بس هاد ما بيعني أنك تزودها بالعناد خليك ضمن المعقول
الجدي♑
أمورك المادية من بكرا بتبلش تتحسن والمبلغ الموعود في بيوصلك بس لازم تضب أيدك لأن في عندك التزامات
الدلو♒
في هدية عم توصلك صرلك زمان كتير موعود فيها وهلا أجت بوقتا كمان وتفاصيل شغلك الجاية ما تخبر حدا عنها
الحوت♓
القرارت عم تفكر فيها وبدك تاخدا مافي داعي تستعجل فيها متل كل مرا كرمال يصير كلشي متل ما أنت بدك وأحسن