رفضت الممثلة المصرية ياسمين صبري فكرة الزواج عبر “تطبيقات التعارف”، مؤكدة أنها في مجتمع شرقي متدين لا تصلح فيه هذه الطريقة.
وقالت صبري، خلال مداخلة عبر خاصية “سبيس” بموقع تويتر: “الراجل الشرقي في قلبه هيبقى ضد أنه عرف مراته أونلاين وهيبقى ضد جدا أنه خرج معاها علشان كلمها من الإنترنت وخياله هيفضل يقوله بصوت خافت هي نزلت مع مين قبل كده وحصل إيه”.
وأضافت: “هتلاقي الرجل مرة يقولها أنا عرفتك من الإنترنت كأنها إهانة”. وتابعت: “دي مش أصلح طريقة أحنا في النهاية مجتمع شرقي مسلم متدين”.
وشككت الفنانة المصرية في جدية الشباب الذين يلجأون إلى هذه الطريقة للتعارف، قائلة “الولد لما بيدخل على التطبيق عشان يتعرف على حد مش بيكون جدي، واحد في المية بس اللي بيكون بطريقة جدية لكن الباقي تسالي أو حد خارج من علاقة وبيسلي نفسه”.
وفي المقابل، رأت ياسمين صبري أن “البنت تفكر بطريقة تانية 50% منهم ممكن يكون داخل التطبيق وبيفكر بطريقة جدية”.
جدير بالذكر أن التطبيقات المخصصة للتعارف حظيت برواج كبير في السنوات الأخيرة، رغم التحذيرات من خطورتها وأنها قد تكون وسيلة للخداع والتغرير بالآخرين.