عبرت الفنانة سماح أنور عن إنزعاجها الشديد من ردود الفعل على تصريحها بعدم شربها المياه.
وأوضحت سماح أنور في تصريحات لبرنامج “عرب وود” أنها تستغرب انشغال الناس بتصريح عابر قالته في أحد البرامج.
وقالت: “أنا زهقت وندمت إني أقول أي حاجة عني، مش فاهمة في إيه، أنا قلت مابشربش مياه لوحدها، بس بشرب سوايل كتير وخضار وفاكهة كتير، لو بتشربي قهوة يبقى بتشربي مياه برضه”.
وتابعت سماح أنور: “حاولت أقول أن كلام الدكاترة صح، سماح بتشرب مياه ماتشربش مياه مش مهم خالص، علم لا ينفع وجهل لا يضر”.
واختتمت تصريحاتها: ” المهم أنت قاعد بوقتك تعمل إيه؟ تهري إن سماح بتشرب مياه وماتشربش مياه؟ أعمل حاجة بجد وسيبك من سماح”.
وكانت سماح أنور قد صرحت خلال لقائها في برنامج “كلام الناس” من تقديم ياسمين عز عبر قناة MBC مصر: “بقالي 17 سنة مشربتش مياه، لازم ميبقلهاش طعم ولا ريحة، دي مواصفاتها، المياه كلها ليها طعم وليها ريحة دي مبشربهاش، لما باخد منها جسمي بيضايق وبطني بتوجعني”.
وأوضحت سماح أنور: “المياه المعدنية ليها طعم وفيها شوائب، وكل ما أشرب مياه أتعب لكن لو شربتها مع عصير بيبقى عادي، وفي دكاترة هتختلف معايا وأنا موافقة لأن أنا مش متخصصة أنا بتكلم عن نفسي ومش باقول للناس محدش يشرب”.