أعلن الفنان المصري محمد صبحي عن بدء التحضير للجزء التاسع من مسلسل “يوميات ونيس”.
وقال محمد صبحي خلال لقائه في برنامج “الراديو بيضحك” من تقديم الإعلامية فاطمة مصطفى عبر إذاعة “الراديو 9090”: بعمل اتصالات لأني بجهز الجزء التاسع من يوميات ونيس، كنت واخد قرار أني مقدمش، لكن عاوز أقدم الجيل الجديد اللي عايش النهاردة هل هو مظلوم ومفترى عليه وأحنا اللي غلط ولا العكس.
وتابع: الجزء التاسع فيه محاكمة لـ”ونيس” تاني، أولاده حاكموه في الجزء السادس لما قالوله أنت ربتنا غلط، بقت أزمة بقابل شباب في الجامعة يقولولي أنا متربي على “ونيس” ومش عارف أتعامل مع الكذابين والمنافقين، في شباب بيخجل لأن عندهم أخلاق وأصدقائهم بيسخروا منهم.
وأكمل: ولاد “ونيس” وحشوني وأتغيروا ولازم دا يتشاف ويتعالج أثناء الكتابة،وإن شاء الله نبدأ قريب وأتمنى يبقى فيه قنوات تتخانق مين يعمله مش يعتذروا.
ومسلسل “يوميات ونيس” قُدم منه 8 أجزاء، تم عرض الجزء الأول منه عام 1994، والأخير في 2013.